Bıyl Túrkistannan Shymkent arqyly Tashkentke deıin júrdek poıyzdarǵa arnalǵan temirjol salý josparlanýda. Bul týraly 26 qańtarda prezıdent Qasym-Jomart Toqaevtyń tóraǵalyǵymen ótken úkimettiń keńeıtilgen otyrysynda Premer-Mınıstr aıtty, dep habarlaıdy Egemen.kz.
«Bıylǵy jyly 1,1 trln teńgege ınvestısııalyq jobalardy iske asyrý jumystary bastalady. Atap aıtqanda, ekotýrızm men ulttyq saıabaqtardy perspektıvalyq týrıstik baǵyt retinde damytý boıynsha keshendi sharalar qabyldanatyn bolady. Týrıster aǵynyn arttyrý úshin Túrkistan - Shymkent - Tashkent baǵyty boıynsha júrdek temirjol qurylysy bastalady», - dedi Asqar Mamın.
Eske salaıyq, 2017 jyldyń naýryzynda «Tulpar-Talgo» júrdek poıyzy «Tashkent - Almaty - Tashkent» baǵyty boıynsha júre bastady. Saıahat ýaqyty shamamen 17-18 saǵatty quraıdy. Jol boıynda Otar, Shý, Taraz, Shymkent jáne Saryaǵashqa soǵady.
Sondaı-aq, taraptardyń Samarqand-Túrkistan baǵytymen júretin poıyzdy iske qosý úshin jumys istep jatqany habarlandy.