Zeınetaqy jınaqtarynyń bir jolǵy tólemin alý úshin BJZQ-ǵa alǵashqy kúni 10 myńnan astam ótinim tústi, dep habarlaıdy Egemen.kz BJZQ resmı saıtyna silteme jasap.
О́tinimderdi qabyldaýdyń birinshi kúninde-aq, ıaǵnı 2021 jyldyń 25 qańtarynda «Otbasy bank» turǵyn úı qurylys jınaq banki» AQ ýákiletti operatorynan «BJZQ» AQ-ǵa jalpy somasy 114,6 mlrd.teńgeden astam somaǵa 10 292 ótinim kelip tústi. Barlyq kelip túsken ótinimderdi «BJZQ» AQ sol kúni-aq, esh kidirissiz qarady.
8 460 ótinim (82% nemese jalpy somasy 49,2 mlrd teńge) tekserýden sátti ótti. Zańnamaǵa sáıkes «BJZQ» AQ-ǵa ótinim kelip túsken kúnnen bastap 5 jumys kúninen keshiktirilmeı, salymshylardyń «Otbasy banki» AQ arnaıy shottaryna shamamen 49,2 mlrd teńge aýdarylady. Aýdarymnyń ortasha somasy – 5,8 mln teńge.
1832 (nemese18%) ótinimdi zańnama talaptaryna sáıkes kelmeıtindikten «BJZQ» AQ tómendegi negizgi sebepter boıynsha qabyldamady:
1. Somalar qate, ıaǵnı shottaǵy zeınetaqy jınaqtarynyń kóleminen asyra kórsetilgen. Sondyqtan ótinimderdi «Otbasy banki» usynymdaryn basshylyqqa ala otyryp, muqııat toltyrý kerek.
2. Jeke tabys salyǵyn (JTS) tóleý tásilin tańdaý kezinde alýǵa suranys jasalatyn somalar durys kórsetilmegen.
Salyq zańnamasy boıynsha mindetti zeınetaqy jarnalaryna Qorǵa aýdarylǵan kezinde JTS salynbaıdy, sondyqtan zeınetaqy tólemderine salyq salynýy tıis. Salymshy birjolǵy zeınetaqy tólemin alǵan kezde JTS tóleýdiń eki tásilin tańdaýǵa quqyly. Birinshi tásil - keıinge qaldyrý, ekinshi tásil - birjolǵy zeınetaqy tólemi kezinde salyqty tolyq kólemde birden tóleý. Salymshynyń sheshimi ýákiletti operatorǵa beriletin ótinimde kórsetilýi tıis.
Eger ótinish berýshi JTS tóleýdi keıinge qaldyrý týraly sheshim qabyldasa, onda ol ótinimde suratylatyn somany JTS-ty shegermesten kórsetýi tıis. Eger ótinish berýshi JTS-ty tolyq kólemde birden tóleýdi uıǵarsa, onda ol ótinimde alýǵa bolatyn somany 10% mólsherindegi JTS-ty shegere otyryp kórsetýge tıis.
BJZQ beretin úzindi kóshirmede salymshyǵa yńǵaıly jáne óz betinshe tańdaý jasaý úshin eki soma da kórsetilgen. Salymshy kórsetetin, alýǵa bolatyn soma BJZQ-dan onyń ýákiletti operatorda ashylǵan arnaıy shotyna túsedi.
3. О́tinimde alýǵa suranys jasalatyn somalar eń az jetkiliktilik shegin esepke almastan kórsetiledi. Salymshylar óz ótinimderinde alýǵa bolatyn jáne úzindi kóshirmede kórsetilgen soma sheginde emes, jeke zeınetaqy shotyndaǵy zeınetaqy jınaqtarynyń barlyq somasyn kórsetken.
4. О́tinimderde valıýta baǵamdarynyń qubylmalylyǵy jáne zeınetaqy aktıvteriniń ınvestısııalyq portfelindegi qarjy quraldary qunynyń ózgerýi nátıjesinde ınvestısııalyq tabystyń naryqtyq aýytqýyna baılanysty ózgeristerdi eskermeıtin ózekti emes somalar kórsetilgen.
5. «BJZQ» AQ derekter bazasynda jeke zeınetaqy shottary jáne tıisinshe zeınetaqy jınaqtary joq tulǵalardan da ótinimder túsken.
6. Salymshylar birin-biri qaıtalaıtyn ótinimder de bergen.
Osy jáıtterdi eskere otyryp, azamattarǵa ózderiniń zeınetaqy jınaqtary týraly ózekti aqparatty, onyń ishinde qoljetimdi soma týraly málimetterdi enpf.kz saıtyndaǵy jeke kabınetten nemese Biryńǵaı jınaqtaýshy zeınetaqy qorynyń mobıldik qosymshasy arqyly birjolǵy zeınetaqy tólemderin alýǵa tikeleı ótinim berer aldynda muqııat tekserýge keńes beremiz.
Zeınetaqy jınaqtary týraly aqparat «Qazaqstan Respýblıkasynda zeınetaqymen qamsyzdandyrý týraly» QR Zańynyń talaptaryna sáıkes zeınetaqy jınaqtarynyń qupııasyn qamtamasyz etý maqsatynda salymshynyń ózine ǵana beriledi.
Esterińizge sala keteıik, salymshynyń BJZQ-da jetkiliktilik sheginen asatyn somasy bolǵan jaǵdaıda, ony paıdalanýǵa ótinim sheksiz ret berilýi múmkin. Eger qandaı da bir sebeppen salymshyǵa birjolǵy zeınetaqy tólemin alýǵa arnalǵan ótinimdi qanaǵattandyrýdan bas tartylsa, onda bas tartý sebebin joıyp, ýákiletti operatorǵa qaıtadan ótinim berýge bolady. Eger salymshy óz jınaqtaryn ártúrli maqsattarǵa paıdalanǵysy kelse, onda alýǵa bolatyn soma sheginde osy maqsattarǵa jeke ótinimder berýge bolady.
Sondaı-aq, ótinim berýge jáne zeınetaqy jınaqtaryn turǵyn úı jaǵdaılaryn jaqsartý jáne (nemese) emdelýge aqy tóleý úshin nysanaly paıdalaný sharttaryna baılanysty barlyq máselelerdi ýákiletti operatordyń «bir tereze» qaǵıdaty boıynsha qaraıtynyn jáne BJZQ-ǵa jeke ótinish berý qajettigi talap etilmeıtinin esterińizge salamyz.
BJZQ-nyń barlyq tehnıkalyq jáne aqparattyq resýrstary shtattyq rejımde jumys isteýde.