QR Úkimetiniń qaýlysymen Serik Salavatuly Qojanııazov ekologııa, geologııa jáne tabıǵı resýrstar vıse-mınıstri qyzmetine taǵaıyndaldy. Bul týraly QR Premer-Mınıstriniń Baspasóz qyzmeti habarlaıdy.
Serik Qojanııazov 1965 jyly Qyzylorda qalasynda dúnıege kelgen. 1989 jyly Kýzbass polıtehnıkalyq ınstıtýtyn, 2002 jyly L. Gýmılev atyndaǵy Eýrazııa ulttyq ýnıversıtetin támamdaǵan. Eńbek jolyn 1989 jyly jóndeý-mehanıka zaýytynda ınjener-tehnolog bolyp bastaǵan. Ár jyldary jeke sektorda jumys istegen. 1999-2000 jyldary — Investısııa tartý jáne qor naryǵyn damytý ortalyǵynyń dırektory. 2001-2005 jyldary — Qyzylorda oblysy ákimi apparatynyń ındýstrııalyq-ınnovasııalyq damý bóliminiń meńgerýshisi.
2005-2007 jyldary — Qyzylorda oblysynyń kásipkerlik jáne ónerkásip departamentiniń dırektory. 2007-2008 jyldary — Qyzylorda qalasynyń ákimi. 2008-2014 jyldary QR Premer-Mınıstriniń Keńsesinde túrli laýazymdarda qyzmet atqarǵan.
2014-2019 jyldary — Qyzylorda oblysy ákiminiń orynbasary, QR Prezıdentiniń «Baıqońyr» keshenindegi arnaıy ókili. 2019 jyldan bastap qazirgi tańǵa deıin QR Prezıdenti Ákimshiliginiń memlekettik ınspektory bolyp jumys istedi.