Belgili ánshi Dımash Qudaıbergenniń jankúıerleri qazaqtyń dástúrli «Samaltaý» ánin ýkraın tilinde oryndady, dep habarlaıdy Egemen.kz.
Qazaqtyń dástúrli áni «Samaltaýdy» Dımash alǵash ret 2019 jyldyń 20 qazanynda Qytaıdyń Fýchjoý qalasynda ótken halyqaralyq «Jibek joly» kınofestıvalinde oryndaǵan bolatyn.
Sondaı-aq ánshi bul ándi jaqynda AQSh prezıdentiniń ulyqtaý rásiminde aıtqan bolatyn.
Qazaqtyń ulttyq aspaby – qobyzdyń súıemeldeýimen shyrqalyp, ıtterdiń úni, qustardyń shýyly, dalanyń áýezi estiletin án qazaq halqynyń tarıhyna sapar shektirgendeı bolady. Ánge Dımashtyń sheteldik tyńdarmandarynyń qumartqany sonshalyq – ony álemniń túkpir-túkpirindegi jankúıerler shyrqaı bastady.