2013 jylǵy 25 qazan Astana, Úkimet Úıi
Memlekettik organdardyń normatıvtik quqyqtyq aktilerdi esepke alýy jáne júıelendirýi qaǵıdalaryn bekitý týraly
2013 jylǵy 25 qazan Astana, Úkimet Úıi
Memlekettik organdardyń normatıvtik quqyqtyq aktilerdi esepke alýy jáne júıelendirýi qaǵıdalaryn bekitý týraly
«Normatıvtik quqyqtyq aktiler týraly» 1998 jylǵy 24 naýryzdaǵy Qazaqstan Respýblıkasynyń Zańy 46-babynyń 2-tarmaǵyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Memlekettik organdardyń normatıvtik quqyqtyq aktilerdi esepke alýy jáne júıelendirýi qaǵıdalary bekitilsin.
2. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri S.Ahmetov.
Qazaqstan Respýblıkasy Úkimetiniń 2013 jylǵy 25 qazandaǵy № 1146 qaýlysymen bekitilgen
Memlekettik organdardyń normatıvtik quqyqtyq aktilerdi esepke alýy jáne júıelendirýi qaǵıdalary
1. Osy Memlekettik organdardyń normatıvtik quqyqtyq aktilerdi esepke alýy jáne júıelendirýi qaǵıdalary (budan ári – Qaǵıdalar) «Normatıvtik quqyqtyq aktiler týraly» 1998 jylǵy 24 naýryzdaǵy Qazaqstan Respýblıkasynyń Zańy 46-babynyń 2-tarmaǵyna sáıkes ázirlendi.
2. Qaǵıdalar Qazaqstan Respýblıkasy memlekettik organdary qabyldaǵan normatıvtik quqyqtyq aktiler boıynsha olardyń normatıvtik quqyqtyq aktilerdi esepke alýy jáne júıelendirýi tártibin aıqyndaıdy.
3. Qazaqstan Respýblıkasy Ádilet mınıstrligi Memlekettik organdardyń normatıvtik quqyqtyq aktilerdi esepke alýy jáne júıelendirýi jónindegi ádistemelik usynymdar ázirleıdi jáne bekitedi.
4. Normatıvtik quqyqtyq aktilerdi esepke alý jáne júıelendirý zańnamanyń qoljetimdiligin, ony paıdalaný yńǵaılylyǵyn qamtamasyz etý maqsatynda júrgiziledi.
5. Memlekettik organdarda normatıvtik quqyqtyq aktilerdi esepke alý jáne júıelendirý jónindegi fýnksııalardy memlekettik organ basshysynyń sheshimimen aıqyndalǵan memlekettik organnyń tıisti bólimshesi nemese qyzmetkeri (qyzmetkerleri) júzege asyrady.
6. Normatıvtik quqyqtyq aktilerdi esepke alý jáne júıelendirý memlekettik jáne orys tilderinde júrgiziledi.
7. Qazaqstan Respýblıkasy memlekettik organdarynyń normatıvtik quqyqtyq aktilerdi esepke alýy jáne elektrondyq túrde júrgiziledi jáne qoldanystaǵy normatıvtik quqyqtyq aktilerdi jınaqtaý men saqtaýdy, memlekettik organdardyń qyzmet baǵyttaryna sáıkes hronologııalyq tártippen ornalastyrýdy, sondaı-aq normatıvtik quqyqtyq aktilerdi baqylaý jaǵdaıynda ustaýdy qamtıdy.
8. Memlekettik organ Qazaqstan Respýblıkasy Úkimetiniń 2006 jylǵy 29 sáýirdegi № 343 qaýlysymen bekitilgen Qazaqstan Respýblıkasy normatıvtik quqyqtyq aktileriniń memlekettik tizilimin, normatıvtik quqyqtyq aktileriniń etalondyq baqylaý bankin júrgizý qaǵıdalarynyń 7-tarmaǵyna sáıkes Respýblıkalyq quqyqtyq aqparat ortalyǵy tıisti memlekettik organdarǵa joldaıtyn normatıvtik quqyqtyq aktiniń baspa mátininiń kóshirmesin, oǵan berilgen tirkeý nómirimen birge memlekettik jáne orys tilderinde alady.
Normatıvtik quqyqtyq aktiniń kóshirmesin alǵannan keıin memlekettik organnyń jaýapty adamy kelip túsken normatıvtik quqyqtyq aktilerdi tirkeý jýrnalyna osy Qaǵıdalarǵa qosymshaǵa sáıkes ataýyn, kúnin, memlekettik tizilimdegi nómirin kórsete otyryp tıisti jazý engizedi.
Memlekettik organnyń jaýapty adamy jýrnalda tirkegennen keıin úsh jumys kún ishinde Normatıvtik quqyqtyq aktilerdiń tizilimine tıisti málimetter engizedi.
Normatıvtik quqyqtyq aktilerge ózgerister men tolyqtyrýlar engizilgen, normatıvtik quqyqtyq aktilerdiń jekelegen bólikteriniń kúshi joıyldy dep tanylǵan ne olardyń qoldanylýy toqtatyla turǵan kezde onyń mátinine engiziletin normalardyń tujyrymyn, sondaı-aq aktiniń nysany, qabyldanǵan kúni jáne nómiri týraly aqparatty naqty kórsetetin belgi engiziledi.
Memlekettik organdardyń normatıvtik quqyqtyq aktilerdi
esepke alýy jáne júıelendirýi qaǵıdalaryna qosymsha
Normatıvtik quqyqtyq aktilerdi esepke alý jýrnaly
R/S
№
Kelip túsken kúni
Kiris nómiri
Memlekettik tizilimdegi nómiri
Normatıvtik quqyqtyq aktiniń ataýy
1
2
3
4
5