2020 jyldyń qorytyndysy boıynsha QR Eńbekmıniniń Eńbek, áleýmettik qorǵaý jáne kóshi-qon komıtetiniń óńirlik departamentteri júrgizgen tekserýler barysynda 886 obektide múgedektigi bar adamdardyń áleýmettik jáne kólik ınfraqurylymyna qol jetkizýin qamtamasyz etý boıynsha buzýshylyqtar anyqtaldy.
2020 jyly memlekettik basqarý, densaýlyq saqtaý, mádenıet jáne kóliktik qyzmet kórsetý salalaryndaǵy obektilerde buzýshylyqtardy anyqtaý boıynsha 970 baqylaý is-sharasy ótkizildi. Onyń ishinde 886 obektide múgedektigi bar adamdar úshin qoljetimdi ortany qamtamasyz etý turǵysynan tekserý júrgizildi. Bul rette 604 tekserý josparly profılaktıkalyq baqylaý jáne 282-si jospardan tys, ıaǵnı azamattardyń bergen ótinishteri negizinde júrgizildi.
Tekserý nátıjesinde múgedektigi bar adamdardy áleýmettik qorǵaý jáne olarǵa arnaýly áleýmettik qyzmet kórsetý salasynda anyqtalǵan buzýshylyqtardy joıýǵa 699 nusqama berildi, olardyń 86-sy boıynsha jalpy somasy 21,2 mln teńgege ákimshilik aıyppuldar salyndy.
Qazaqstanda barlyǵy 35 158 áleýmettik ınfraqurylym obektisi bar, onyń ishinde 34 784 obektide 2020 jyly jergilikti atqarýshy organdar múgedektigi bar adamdar úshin qoljetimdi ortany uıymdastyrý turǵysynan pasporttaý júrgizdi. Aıta ketý kerek, pasporttalǵan 25 777 (75%) obekt beıimdelýge tıis. Aǵymdaǵy jylǵy 1 qańtardaǵy jaǵdaı boıynsha olardyń 25 711-i beıimdelgen.