SQO-da 27 qańtar kúni bastaý alǵan “Mas júrgizýshi” jedel-profılaktıkalyq is-sharasynyń negizgi maqsaty – mas júrgizýshilerdi anyqtaý jáne Jol júrisi erejeleriniń óreskel buzýshylyqtarynyń aldyn alý.
“Chevrolet Niva” avtokóligin tizgindegen Jambyl aýdanynyń 37 jastaǵy turǵynyn polıseıler aýdan ortalyǵy Presnovkada ustaǵan. Júrgizýshiden ishimdiktiń ıisi bilinip turǵan. Medısınalyq kýálandyrý er adamnyń masań kúıde bolǵanyn rastady.
Nátıjesinde QR Ákimshilik quqyq buzýshylyq týraly kodeksiniń 608-baby 1-bóligi boıynsha hattama toltyryldy jáne aýdandyq sotqa jiberildi. Bap sanksııasymen 15 táýlikke ákimshilik qamaýǵa alý, sondaı-aq jeti jylǵa júrgizýshi kýáliginen aıyrý kózdelgen. Sońǵy birneshe táýlikte attas jedel-profılaktıkalyq is-sharasy sheńberinde oblys joldarynda bes mas júrgizýshi ustaldy. SQO Polısııa departamenti Jergilikti polısııa qyzmeti basqarmasynyń bastyǵy Aıdyn Baımatov “Mas júrgizýshi” operasııasynyń alǵashqy kúninde Jol qozǵalysy erejeleriniń 477 buzýshylyǵy anyqtalǵanyn atap ótti. Basqarý quqyǵynan aıyrylǵan 24 júrgizýshi, jyldamdyqty asyrǵan – 28 jáne manevr jasaý erejelerin buzǵany úshin – 13 júrgizýshi ustaldy. Sondaı-aq qaýipsizdik beldigin paıdalanbaǵany úshin 70 júrgizýshi, rólde telefondy paıdalanǵany úshin 52 júrgizýshi jaýapqa tartyldy.
– Basty mindet – avtomobıl apattaryna jáne jaıaý júrginshilerdi soǵyp ketýge, balalardyń jol-kólik jaraqattanýyna jol bermeý. Qańtardyń 21-i men 31-i aralyǵynda “Mas júrgizýshi” jedel-profılaktıkalyq is-sharasymen birge “Qaýipsiz mektep avtobýsy” aksııasy ótkiziledi, oqýshylarmen Jol qozǵalysy erejeleri týraly, joldy kesip ótý, velosıpedpen júrý erejeleri týraly áńgime júrgizilýde, – dedi Aıdyn Baımatov.
Jyl basynan SQO joldarynda 30-dan astam mas júrgizýshi ustaldy. Oblystyq “Mas júrgizýshi” operasııasy 30 qańtarǵa deıin jalǵasady.