Memlekettik qyzmetke ornalastyrý úshin tulǵadan para bopsalaǵany úshin Qyrǵyzstan respýblıkasy Prezıdenti apparatynyń aqparattyq saıasat bóliminiń meńgerýshisi Nurǵazy Anarqulov ustaldy, dep habarlaıdy Kabar agenttigi.
Qyrǵyzstan Memlekettik ulttyq qaýipsizdik komıteti Sybaılas jemqorlyqqa qarsy qyzmetinen habarlaǵandaı, Qyrǵyzstan prezıdenti baspasóz qyzmetiniń basshysy qyzmettik ókildigin teris paıdalanyp, jeke materıaldyq baıý maqsatyn kózdep, memlekettik basqarýshy qyzmetterdiń birine úmitker tulǵadan asa iri kólemdegi aqshalaı qarajatty bopsalaǵan.
Atalǵan fakti boıynsha MUQK Bas tergeý basqarmasy Qyrǵyzstan Respýblıkasy Qylmystyq kodeksiniń 326-babymen (para alýǵa bopsalaý) qarastyrylǵan qylmys belgileri boıynsha sot aldyndaǵy tergeý amaldaryn bastady.
«2021 jyldyń 30 qańtarynda ótkizilip jatqan jedel-tergeý is-sharalarynyń aıasynda azamat A.N.S. ustalyp, QR MUQK Bas tergeý basqarmasyna jetkizildi», - delingen habarlamada.