Búgin oblystyń bas sanıtar dárigeri Mádenıet Tanaýov jańa qaýlyǵa qol qoıdy. Onda I kýrs stýdentteriniń shtattyq rejımde oqýyna ruqsat berilip otyr.
«Dástúrli formattaǵy kontıngenti 300 oqýshyǵa deıingi qalalyq jáne aýyldyq mektepterde synyptardaǵy balalar sany 15 adamǵa deıin, jalpy bilim beretin mektepterde kezekshi synyptarda 1-den 5-synypqa deıin qosa alǵanda, halyqaralyq mektepterde 7-synypqa deıin qosa alǵanda ata-analardyń ótinishi boıynsha 15 baladan aspaıtyn synyptardyń jınaqtalýyn saqtaı otyryp, oqytýǵa ruqsat etilsin» delingen qaýlyda.
Sondaı-aq, bilim berý mekemesi ákimshiliginiń sheshimimen sabaqtan tys ýaqytta 5 adamnan aspaıtyn toptarda oqýshylardy jeke oqytýǵa, bitirýshi synyptar úshin (9, 11 (12) synyptar) aptanyń 6 kúninde aralas oqytýǵa, sonyń ishinde pánderdiń 70%-yn shtattyq rejımde, 30%-yn qashyqtan oqytýǵa ruqsat berildi.
Al, tehnıkalyq jáne kásibı bilim berý uıymdarynyń (kolledjder) I kýrs stýdentteri men joǵary oqý oryndarynyń I kýrs stýdentterin shtattyq rejımde oqytýǵa ruqsat etýge sheshim qabyldanyp otyr.
Atalǵan qaýly 1 aqpanda saǵat 00:00-de kúshine enedi.