Olardyń biri buryn kólik quraldaryn basqarý quqyǵynan aıyrylǵan, dep habarlaıdy Egemen.kz.
29 qańtarda PD patrýldik polısııa rotasynyń qyzmetkerleri Alǵa qalasyndaǵy № 5 mekteptiń janynda qoǵamdyq tártip pen azamattardyń qaýipsizdigin saqtaý boıynsha kezekshilikte bola otyryp, 30 jastaǵy júrgizýshiniń basqarýymen «Shevrole Aveo» avtokóligin toqtatty, ol kólikti mas kúıinde basqaryp, kólik quralyn basqarý quqyǵynan aıyrylǵandyǵy anyqtaldy.
QR QK 346-baby 1-bóligi (Mas kúıinde kólik quraldaryn basqarý quqyǵynan aıyrylǵan adamnyń kólik quralyn basqarýy) boıynsha tergeý áreketteri júrgizilýde. Osy baptyń sanksııasy bes myń aılyq eseptik kórsetkishke deıingi mólsherde aıyppul salý ne sol mólsherde túzeý jumystary ne bir myń eki saǵatqa deıingi merzimge qoǵamdyq jumystarǵa tartý ne bes jylǵa deıingi merzimge bas bostandyǵyn shekteý ne keden odaǵyn basqarý quqyǵynan tanylǵan sol merzimge bas bostandyǵynan aıyrý túrindegi jazany kózdeıdi. Avtokólik arnaıy turaqqa qoıyldy. Júrgizýshi ýaqytsha ustaý ızolıatoryna qamaldy.
Aqtóbe oblysy Polısııa departamenti azamattarǵa mas kúıinde kólik júrgizbeýdi usynady. Sondaı-aq, azamattardy jol qaýipsizdigi erejelerin saqtaýǵa, jyldamdyqty shamadan tys asyrmaýǵa shaqyrady.