Almaty ákimdiginiń jumysy «Estıtin memleket» qaǵıdatyna negizdelgen be? Osy turǵydan kelgende, megapolıs turǵyndarymen qoıan-qoltyu baılanysty arttyrý maqsatynda áleýmettik jelilerde jarııalanǵan jáne Open Almaty qoǵamdyq qabyldaý bólmesine kelip túsken qalalyqtardyń ótinishterine jedel jaýap berý jumystary qanshalyqty tıimdi júrgizilip jatyr?
Sonymen, ótinishterdiń 94%-ǵa jýyǵy aýdandyq ákimdikter men tıisti qalalyq basqarmalarda jedel sheshiledi. Suraqtardyń basym bóligi qoǵamdyq kólikterdiń jumysyna, qurylystyń sapasyna jáne joldar men trotýarlardyń jaǵdaıyna, qoǵamdyq qaýipsizdik pen ınjenerlik jelilerge qatysty deýge bolady.
Qalalyq buqaralyq aqparat quraldary jáne Almaty ákimdiginiń baspasóz ortalyǵy aqparattyq-túsindirý jumystaryn júrgizip otyrǵan kórinedi. Qala turǵyndary «Almaty» telearnasynyń apta saıynǵy Akimat LIVE baǵdarlamasyndaǵy tikeleı efırde suraqtaryn qoıa alady. 2020 jyly 96 baǵdarlama tikeleı efırge shyqty, onyń barysynda qalalyqtardyń 2,4 myń suraqtaryna jaýaptar berildi.
Bıylǵy jyly 6 tikeleı efır ótti, onyń ishinde qala ákiminiń qatysýymen, efır barysynda qala turǵyndary ózderi qoıǵan 165 suraqtarǵa jaýaptardy aldy.
Qala ákimdiginiń baspasóz ortalyǵynyń alańynda 2020 jyly Almaty ákimdigi birinshi basshylarynyń ishinen 623 spıkerdiń qatysýymen 356 baspasóz sharasy ótti. Baspasóz konferensııalary barysynda spıkerler jýrnalısterdiń 3048 suraǵy boıynsha túsiniktemeler berdi.
Baspasóz is-sharalarynyń qorytyndysy boıynsha 24 myńnan astam materıal jarııalandy, barlyq telearnalarda 1,5 myńǵa jýyq telesıýjet kórsetildi. Aǵymdaǵy jyldyń qańtarynda 84 spıkerdiń qatysýymen 45 baspasóz sharasy ótti. Jýrnalısterdiń 293 suraǵyna qatysty túsiniktemeler berildi, 1000-nan astam materıaldar jarııalandy.
Almaty qalasynyń ákimi B.Saǵyntaev atalǵan máselege qatysty júrgizilgen jumystardyń qorytyndysyn saralaı kele, turǵyndarmen aradaǵy jumysty kúsheıtýdi, Open Almaty qoǵamdyq qabyldaýdyń tıimdiligin arttyrýdy tapsyrdy.