Qazaqstanda jyl basynan beri brakonerlerdiń kesirinen janýarlar men ósimdikter dúnıesine keltirilgen zııan 8 mıllıonannan astam teńgeni qurady. Bul týraly Ekologııa mınıstrliginiń baspasóz qyzmeti habarlady.
Jyl basynan beri QR Ekologııa, geologııa jáne tabıǵı resýrstar mınıstrliginiń Orman sharýashylyǵy jáne janýarlar dúnıesi komıteti brakonerlik faktilerdi aýyzdyqtaý maqsatynda 50-den astam reıd júrgizdi. Nátıjesinde tabıǵatty qorǵaý zańnamasyn buzýdyń 73 faktisi anyqtaldy.52 jeke tulǵa ákimshilik jaýapkershilikke tartyldy, 17 materıal sot organdaryna joldandy, sondaı-aq oblystyq aýmaqtyq ınspeksııalardyń materıaldary boıynsha quqyq qorǵaý organdary 4 qylmystyq is qozǵady.Sonymen qatar, tabıǵatty qorǵaý zańnamasyn buzýshylardan sot sheshimine deıin 9 qoldanýǵa tyıym salynǵan balyq aýlaý quraldary, bir atys qarýy jáne 1655,4 kg zańsyz aýlanǵan balyq tárkilendi. Quqyq buzýshylarǵa 611,6 myń teńge somasynda aıyppul salyndy, janýarlar men ósimdikter dúnıesine keltirilgen aldyn ala zalal 8 mln 642 myń teńge.Kórsetilgen kezeńde ınspektorlar oblystyń balyq sharýashylyǵy sý aıdyndarynan 5 km astam qoldanýǵa tyıym salynǵan balyq aýlaý quraldaryn (monojipten jáne monotalshyqtardan jasalǵan torlardy) tapty jáne ony sý aıdynynan alyp tastady, joıdy.Sondaı-aq qysqy kezeńde balyqtyń qyrylýynyń aldyn alý maqsatynda turaqty negizde tumanǵa qarsy is-sharalar júrgiziledi. Búgingi tańda 265 shuńqyr, 43 jolaq kesilip, 250 qamys shoǵyry ornatyldy, atalǵan jumystarǵa 18 birlik tehnıka men 58 adam jumyldyryldy.