Qalalyq emhanalar vaksınalardy qoımadan ekpe saldyratyn mekemelerge tasymaldaýǵa arnalǵan 20 muzdatqysh jáne 82 jylý konteınerimen qamtamasyz etilgen. Bul týraly ortalyq kommýnıkasııalar qyzmetinde ótken brıfıngten belgili boldy, dep habarlaıdy Egemen.kz.
Bastapqy kezeńde vaksınasııa №2, №4, №6, №7, №9 qalalyq emhanalarynda júrgiziledi.
Birinshi kezeńde (aqpan) táýekel tobyna jatatyn medısına qyzmetkerleri (juqpaly aýrýlar aýrýhanalary, jedel járdem qyzmetkerleri, alǵashqy medısınalyq kómek kórsetý uıymdary, kópsalaly aýrýhanalardyń qabyldaý bólimderi) qyzmetkerleri vaksınasııalanady. Odan ári muǵalimder, polısııa qyzmetkerleri, Qorǵanys mınıstrligi, Ishki ister mınıstrligi jáne t.b. osylaısha kezeń-kezeń boıynsha barlyq halyq qamtylatyn bolady.
«Búgingi tańda alǵashqy medısınalyq-sanıtarlyq kómek uıymdarynda egý kabınetteri, kútý zaldary daıyndaldy, onda vaksınasııalanǵan adamdar vaksınasııadan keıin 30 mınýt ishinde tıisti talaptardy saqtaı otyryp, medısınalyq baqylaýda bolýy kerek», - dep tolyqtyrdy T. Muratov.
Sondaı-aq, Muratovtyń aıtýynsha, ımmýndaý jáne vaksınasııa máseleleri boıynsha turǵyndardyń suraqtaryna jaýap berý úshin "jedel jeli" telefon nómirleri bólingen.
Sonymen qatar, vaksına salýǵa bolmaıtyn jaıttar da bar. Iаǵnı vaksınanyń kez-kelgen komponentine joǵary sezimtaldyq, anamnezdegi aýyr allergııalyq reaksııalar, júktilik jáne bala emizý kezeńi.
Balalarǵa jáne 65 jastan asqan adamdarǵa vaksına salynbaıdy. Vaksınasııa erikti negizde júrgiziledi.