Bıyl Almatynyń Alataý aýdanynda 34 joba iske asyrylady. 2020 jyly Alataý aýdanynda 176 000 aǵash otyrǵyzylǵan. Alataý aýdanynyń ákimi A.Qaldybekov málimdedi, dep habarlaıdy Egemen.kz
Búgin Almatyda aýdan ákimderiniń esep berý kezdesýleri bastaldy. Alataý aýdanynyń ákimi A.Qaldybekov birinshi bolyp aýdandy kógaldandyrý jáne abattandyrý jumystary týraly baıandady.
«Jumyspen qamtýdyń jol kartasy» baǵdarlamasy aıasynda ótken jyly 15 joba iske asyryldy, bıznestiń áleýmettik jaýapkershiligi baǵdary aıasynda qazirgi tańda, qosymsha 6 fýtbol, 3 vorkaýt jáne 6 jekpe-jek alańdary salynýda», dedi aýdan ákimi.
О́jet, Boraldaı men Zerdeli yqshamaýdandarynda jasyl aýmaqtar men demalys oryndaryn salýdyń jobalyq-smetalyq qujattary ázirlenip jatqanyn aıtyp ótti.
2020 jyly Alataý aýdanynda 176 000 aǵash otyrǵyzyldy. Bıyl taǵy 100 myńnan asa aǵash otyrǵyzý josparlanǵan.
Almaty ákimi B.Saǵyntaevtyń tapsyrmasymen qalada alǵash ret «Bıýdjetke qatysý» baǵdarlamasy qolǵa alynǵan bolatyn. Osy baǵdarlama boıynsha bıyl Alataý aýdanynda turǵyndar usynǵan 34 joba iske asyrylady.
«Bıýdjetke qatysý» baǵdarlamasy boıynsha О́jet, Boraldaı, Darhan, Terekti, Kók Qaınar, 13-14-aýmaq sııaqty birqatar yqshamaýdandarda balalar oıyn alańdary salynyp, saıabaqtar abattandyrylady», dedi A. Qaldybekov.
Eseptik kezdesý barysynda aýdan ákimi turǵyndardyń aýlalardy abattandyrý, jóndeý, áleýmettik ınfraqurylymdy damytý boıynsha qoıǵan suraqtaryna jaýap berdi. Aýdan turǵyndary óz saýaldaryn «Alataý Kreatıv Habynda», aýdan ákimdigi jáne Tomırıs yqshamaýdandaǵy kitaphanada jabdyqtalǵan zým bólmeleri arqyly qoıdy. Esep berý kezdesýi «Almaty» telearnasynda jáne áleýmettik jelilerdiń tikeleı efırde kórsetildi.