Qazirgi tańda qala ákimi Baqytjan Saǵyntaevtyń tapsyrmasymen Almaty stasıonarlarynyń, emhanalary men dárihanalarynyń dári-dármek quraldarymen jáne medısınalyq maqsattaǵy buıymdarmen qamtamasyzdyǵyna apta saıyn monıtorıng júrgizilip otyrady, dep habarlaıdy Egemen.kz
Búgingi kúni, koronavırýs ınfeksııasyn emdeýdi talap etetin preparattar qalanyń barlyq dárihanalarynda bar. Qamtamasyzdyq shamamen 90%-dy quraıdy, dárihana qoımalarynda 1 mıllıonnan astam (1 037 myń) emdeýdi talap etetin preparattar bar.
Budan basqa, naryqty tolyqtyrý úshin Turaqtandyrý qory qarajattarynyń esebinen qala dárihanalaryna dári-dármek preparattaryn jetkizý jalǵasyn taýyp otyr. Qazirgi ýaqytta, ákelýge josparlanǵan 40,1 mln. dári-dármek quraldary men medısınalyq maqsattaǵy buıymdardyń qalaǵa jetkizilgeni 47,2 mln. (118%), 23,4 mln. satyldy, qoldaǵy bary 23,8 mln. onyń ishinde, azaıtylmaıtyn qaldyǵy 8 mln. Osylaısha, qalada naqtylyqtyń eki aılyq qory qalyptastyryldy.
Qala dárihanalarynyń medısınalyq betperdelermen qamtamasyzdyǵy 95%-dy quraıdy. Almatyda 6 iri otandyq kompanııa jumys isteıdi, onyń birlesken óndiristik qýaty kúnine 1 mln betperdeni quraıdy. Budan basqa, 15 jabdyqtaýshy bar, búgingi kúni, olarda 26,2 mln betperde bar. Qala dárihanalaryna betperdeler kún saıyn kelip túsedi.
Qoımalarda shamamen 456 myń termometr, onyń ishinde, dárihanalarda – 7 590 dana, jabdyqtaýshyda (BIOLA) 448 245 dana bar. Aqpanda qosymsha 150 myń termometr jetkiziledi dep kútilýde.
Jalpy alǵanda, Almatyda dári-dármekke, sondaı-aq medısınalyq betperdelerge degen joǵary suranys baıqalmaıdy. Jaǵdaı turaqty.