Túrkistan oblysy, Maqtaaral aýdanynda 69 eldi mekenniń 67-i ortalyqtandyrylǵan aýyz sý qubyrymen qamtamasyz etilgen. О́tken jyly Naýryz, Alash, О́rgebas, Atakent, Bereke, Ferdaýsı eldimekenderiniń aýyz sý júıeleriniń qurylysyna bıýdjetten 726 mıllıon teńge qarjy qaralyp, qurylys jumystary júrgizildi. Tórt nysannyń qurylys jumystary aıaqtalyp, aýyz sý júıeleri paıdalanýǵa berildi. Al, qalǵan eki nysan bıyl iske qosylmaq. Jyl qorytyndysymen 6 myńdaı turǵyny bar 4 eldimekenniń aýyz sý júıeleri tolyqtaı jańartyldy, dep habarlaıdy Egemen.kz.
Aýdandaǵy 36 eldimeken tabıǵı gazben qamtylǵan. Iаǵnı, 133 myńnan asa turǵynnyń 66 %-y tabıǵı gazdy paıdalanady. О́tken jyly aýdan ortalyǵy Myrzakent kentindegi Energetıkter kóshesin gazdandyrý úshin oblystyq bıýdjetten 46,2 mıllıon teńge qarjy qaralyp, merdiger tarapynan qurylys-montaj jumystary júrgizilgen. Qazirgi tańda tabıǵı gazdy úılerge qosý jumystary atqarylýda.
Sonymen qatar Jańajol men Nurlybaev aýyldyq okrýgterin tolyq gazben qamtý úshin 2,2 mıllıard teńge bóliný úshin jáne taǵy 9 eldimekendi gazben qamtýǵa qujat ázirlenip, oblystyq salalyq basqarmalarǵa qarjy bóldirý maqsatynda usynylǵan.
Aıta keteıik, «Ońtústik Jaryq Tranzıt» JShS-niń ınvestısııalyq jobalary aıasynda 2020 jyly Maqtaaral aýdanynda jalpy 50,5 shaqyrymdy quraıtyn elektr jelileri men baǵanalary, qosalqy stansalardaǵy 8 transformator tolyqtaı jańartylǵan.