Ekologııa, geologııa jáne tabıǵı resýrstar mınıstriniń buıryǵymen Narıman Talǵatuly Júnisov QR Ekologııa, geologııa jáne tabıǵı resýrstar mınıstrliginiń Balyq sharýashylyǵy komıtetiniń tóraǵasy qyzmetine taǵaıyndaldy, dep habarlaıdy Egemen.kz.
Narıman Júnisov 1981 jyly týǵan. Omby memlekettik agrarlyq ýnıversıtetin (2003), Qaztutynýodaǵy Qaraǵandy ekonomıkalyq ýnıversıtetin (2007) bitirgen. 2019 jyly S. Seıfýllın atyndaǵy Qazaq agrotehnıkalyq ýnıversıtetin «balyq sharýashylyǵy jáne ónerkásiptik balyq aýlaý» mamandyǵy boıynsha bitirgen.
Eńbek jolyn 2004 jyly jekemenshik sektorda bastaǵan.
2007 jyldan 2013 jyl aralyǵynda QR Aýyl sharýashylyǵy mınıstrliginiń Balyq sharýashylyǵy komıtetinde túrli laýazymdarda jumys istedi.
2013-2014 jj. – QR Qorshaǵan orta jáne sý resýrstary mınıstrliginiń Balyq sharýashylyǵy komıteti tóraǵasynyń orynbasary.
2014-2016 jj. – QR Aýyl sharýashylyǵy mınıstrligi Orman sharýashylyǵy jáne janýarlar dúnıesi komıteti tóraǵasynyń orynbasary.
2016-2019 jj. – QR Aýyl sharýashylyǵy jáne janýarlar dúnıesi mınıstrligi Orman sharýashylyǵy jáne janýarlar dúnıesi komıtetiniń balyq resýrstaryn molaıtý jáne akvaósirý basqarmasynyń basshysy.
2019 jylǵy maýsymnan qyrkúıekke deıin — QR Ekologııa, geologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń Pavlodar oblystyq orman sharýashylyǵy jáne janýarlar dúnıesi aýmaqtyq ınspeksııasynyń basshysy.
2019 jylǵy qyrkúıekten bastap QR Ekologııa, geologııa jáne tabıǵı resýrstar mınıstrliginiń Orman sharýashylyǵy jáne janýarlar dúnıesi komıteti tóraǵasynyń orynbasary boldy.