Shymkent qalasynda turatyn alǵashqy Qazaqstandyq birjolǵy zeınetaqy tólemderin paıdalana otyryp baspanaly boldy. Bul týraly «Otbasy bank» Instagram paraqshasynda jarııalandy, dep habarlaıdy Egemen.kz.
- Men ózimniń zeınetaqy jınaqtarymnyń jetkiliktilik sheginen asatyn bóligin paıdalanýǵa bolatynyn áleýmettik jelilerden bildim. Onlaın-platforma iske qosylǵannan keıin, kelesi kúni qarajatty paıdalanýǵa ótinim berdim. Al 1 aqpanda meniń arnaıy shotyma bir jolǵy zeınetaqy tólemderi tústi, - deıdi salymshy.Ol turǵyn úıdi úlestik qatysý sharty aıasynda satyp alǵan. Al ıpotekany Otbasy Bankinen sheshýdi uıǵarǵan.- Bastapqy jarna retinde zeınetaqy jınaqtarymdy qoldandym. Ipotekany Otbasy Banktegi aralyq zaem arqyly rásimdedim. Sebebi paıyzdyq mólsherlemesi jáne rásimdeý jyldamdyǵy unady, - dedi ol.Salymshynyń aıtýynsha nesıe boıynsha maquldama tez berilgen. Ne bary 3 mınýt ishinde ol banktiń maquldaýyn alyp, nesıeni rásimdeýge kóp ýaqyt jumsamaǵan.