Aqtóbede ınstıtýt ǵımaratyna qoıylǵan jarylǵysh zat týraly habarlama jalǵan bolyp shyqty, dep habarlaıdy Egemen.kz Polisia.kz saıtyna silteme jasap.
Búgin M.Bókenbaev atyndaǵy QR IIM Aqtóbe zań ınstıtýtynyń elektrondy mekenjaıyna ınstıtýt ǵımaratyna jarylǵysh zattar salynǵany jáne RF bankteriniń biriniń kartasyna 1,3 mln rýbl aýdarý talaby týraly habarlama kelip tústi.
Barlyq shuǵyl qyzmetter dereý oqıǵa ornyna shyqty, oqýshylardy, oqytýshylar men erikti jaldanýshy quramdy evakýasııalaý uıymdastyryldy. Barlyǵy 474 adam evakýasııalandy. Arnaıy bólimshe saperleri jarylys qurylǵylaryn anyqtaý úshin barlyq ǵımaratqa tekserý júrgizdi. Jarylǵysh qurylǵylar tabylǵan joq.
Atalǵan fakti boıynsha QR QK 273-baby (Terrorızm aktisi týraly kórineý jalǵan habarlaý) boıynsha sotqa deıingi tergeý bastaldy. Osy baptyń sanksııasy bes jylǵa deıin bas bostandyǵynan aıyrýdy kózdeıdi. Polısııa departamenti kúdiktini anyqtaýǵa jáne ustaýǵa baǵyttalǵan jedel is-sharalar júrgizýde.