Shymkent qalasynyń ákimi Murat Áıtenov azamattardy jeke máseleleri boıynsha onlaın qabyldaý ótkizdi. Qabyldaýǵa jazylǵan azamattardyń basym bóligi turǵyn úı, jer jáne qoǵamdyq kólik máselelerin qozǵady, dep habarlaıdy Egemen.kz.
Máselen, Abaı jáne Qarataý aýdandarynyń turǵyndary jerin zańdastyrý jáne óz jer telimin qaıtaryp alý turǵysynda saýalyn qoıyp, kómek surady. Olarǵa qala ákimi jerdi rásimdeý baǵytynda túsindirme jasady.
Al, Bozaryq-2 shaǵyn aýdanynyń turǵyny Almashan Espaev qoǵamdyq kólikterdiń kestesin qaıta jasaýdy, shaǵyn aýdandaǵy jol júrý baǵyttaryn uzartý jóninde ótinish bildirdi.
- «Bozaryq shaǵyn aýdanyna qatynaıtyn №171 avtobýs baǵytynyń qozǵalys syzbasyna ózgeris engizilip, Bozaryq-2 shaǵyn aýdanyndaǵy balabaqshaǵa deıin uzartyldy. Búginde №171 avtobýs balabaqshaǵa deıin tasymaldaý qyzmetin atqaryp jatyr. Aldaǵy ýaqytta da qoǵamdyq kólik salasynda kóptegen ózgerister bolady. Qozǵalys baǵyttary barynsha ońtaılandyrady. Shymkent – úlken megapolıs, halyq sany artyp, qala aýmaǵy keńeıgen. Bir nárseni túsiný kerek, turǵyndardyń barlyǵynyń esik aldyna aıaldama ornatyp berý múmkin emes. Shalǵaı aýdandarda avtobýstar ortalyq kóshelerde júretin bolady», dedi Murat Áıtenov.
О́z kezeginde azamat máselesiniń sheshimin tapqandyǵyna alǵysyn bildirdi.
Sonymen qatar, qala ákimi azamattardy qabyldaý barysynda ákimdik tek zańǵa sáıkes kómek kórsete alatynyn, memlekettik qordan páterler kezek boıynsha beriletindigin basa aıtyp ótti.