О́z úıinde qarý-jaraq jasap, atylatyn qarýlardy zańsyz jóndeýmen aınalysqany úshin Oral qalasynyń 62 jastaǵy turǵyny tutqyndaldy, dep habarlaıdy Egemen.kz.
1959 jyly týǵan azamat qarý-jaraqty óziniń jatyn bólmesinde jasaǵan. Qylmystyń izine túsken polısııa jáne Ulttyq qaýipsizdik komıteti qyzmetkerleri oqıǵa ornyn teksergen kezde, F. degen azamattyń úıiniń bir bólmesi qadimgideı sehqa aınalǵany belgili boldy. Munda neshe túrli qarý-jaraq, onyń bólshekteri, quraldar tabylǵan.
«Qazirgi ýaqytta qarýdy zańsyz daıyndaý faktileri boıynsha Qazaqstan Respýblıkasy Qylmystyq kodeksiniń 287-babynyń 3-bóligi jáne 288-babynyń 2-bóligi boıynsha sotqa deıingi tergeý áreketteri júrgizilýde» dep habarlady polısııanyń baspasóz qyzmeti.
Bir qyzyǵy, aýyr qylmys úshin aıyptalyp otyrǵan bul azamat budan buryn da dál osyndaı qylmysy úshin jaýapkershilikke tartylǵany belgili boldy. Iаǵnı ol buǵan deıin birneshe ret atys qarýyn, olardyń komponentterin zańsyz jasaǵan, jóndegen, tipti oq-dárilerdi de zańsyz óndirýmen aınalysqan.