Oral qalasyndaǵy kóp qabatty úılerdiń birindegi páterde órt shyǵyp, onyń tútininen kórshi páterde turatyn qos qyz bala tunshyǵa jazdaǵan. Qutqarýshylar páterdiń temir esigin buzyp ashyp, sábılerdi qutqardy, dep habarlaıdy Egemen.kz.
Oral qalasyndaǵy Aqotaý kóshesinde ornalasqan 5 qabatty turǵyn úıdiń bir páterinen órt shyqty. Páter turǵyndary men olardyń kórshilerin qaýipsiz jerge evakýasııalap jatqan qutqarýshylar bir páterden jylaǵan bala daýysyn estip qalady. Ol úıde eresekter bolmaǵan, kishkentaı eki qyz ǵana bar edi. О́rt sóndirýshi-qutqarýshylar dereý páterdiń esigin buzyp, tútinnen qatty tunshyǵyp jatqan balalardy dalaǵa shyǵardy. Bul kezde jedel-járdem qyzmetkerleri de oqıǵa ornyna kelip turǵan edi. Abyroı bolǵanda sábılerdiń densaýlyǵyna qaýip joq, tek qatty qorqyp qalǵan eken. О́rt sóndirý qyzmetiniń psıhology balalarǵa psıhologııalyq kómek kórsetti. Balalardy jedel járdem qyzmeti kópbeı̆indi balalar aýrýhanasyna jetkizdi.
Balalardyń ata-anasy sábılerdi qutqarǵan barlyq qutqarýshylarǵa, órt sóndirýshilerge zor alǵysyn aıtýda.