ESPN Deportes aqparat agenttigi Gennadıı Golovkın men Saýl «Kanelo» Alvares arasyndaǵy jekpe-jekter trılogııasynyń sońǵy bóligi osy jyldyń qyrkúıeginde ótýi múmkin, dep habarlaıdy Egemen.kz
Dese de, Golovkınniń meksıkalyq sportshy Haıme Mýngııamen mamyr aıynda josparlanǵan aıqasynda basym túsýi – mindetti sharty bolyp otyr. Atalǵan judyryqtasýdyń jeńimpazy sharshy alańda Alvareske qarsy shyǵý múmkindigin arttyrady.
«Eger Golovkın (Mýngııamen aıqasta) jeńse, qyrkúıekte «Kanelomen» úshinshi jekpe-jektiń ótkizilýine qol jetkizedi, al eger Haıme jeńse, bul bolashaqta «Kaneloǵa» qarsy shyǵa alatyn jańa juldyzdyń janǵany», dep jazdy jýrnalıst Salvador Rodrıges.
Golovkın-Mýngııa arasyndaǵy jekpe-jektiń ótkizilýine boksshylardyń taraptary da, DAZN strımıngtik qyzmeti de qyzyǵýshylyq tanytyp otyr.