Elordalyq monıtorıng toby karantındik shekteý sharalaryn buzatyn kásipkerlik sýbektilerin anyqtaý jumystaryn jalǵastyrýda, dep habarlaıdy qala ákimdiginiń resmı saıty.
Esil aýdanynda 5 aqpan kúni monıtorıngtik top belgilengen jumys tártibin buzǵan 2 qoǵamdyq tamaqtaný ornyn anyqtady: "Wall Street Restaurant" meıramhanasy jáne "The Wine Cafe" sharap bary.
Almaty aýdanynda 4 mekeme karantın rejımin buzdy: NE Bar, «Shıshka» Lounge Bar, «Ragnarok» kompıýterlik klýby, «Alanııa» túngi klýby.
Baıqońyr aýdanynyń monıtorıng toby 4 kásipkerdi karantın sharalaryn buzdy dep aıyptady. Sonymen, úılestirý ortalyǵyna «Kakıe lıýdı» resto-bary jáne «ShAShLYKOFF» grıl-bary jumys rejımin saqtamaǵany týraly habarlama joldandy. Sondaı-aq, bul tizimde Zara jáne ZAZA túngi klýbtary bar.
Saryarqa aýdanynda saǵat 22.00-den keıin Nirvana, Chili Gril, "Ýgol" barlary jumys istedi, Basilic kafesinde kelýshiler sany belgilengen normadan asyp ketti. Jax oıyn klýby jumys isteýine tyıym salynǵanyna qaramastan karantın rejımin buzyp, jumysyn jalǵastyrdy.
Barlyq quqyq buzýshylarǵa qatysty ákimshilik is qozǵalyp, aıyppul salyndy.Monıtorıngtik toptar azamattarǵa jáne mekeme ıelerine karantın rejımi jalǵasyp jatqanyn jáne bas sanıtarlyq dárigerdiń qaýlysynyń talaptaryn saqtaý qajettigin eskertedi. Tártip buzýshylar qoldanystaǵy zańnamaǵa sáıkes jaýapkershilikke tartylady.
Elordada karantın talaptaryn qaıta kúsheıtýdi boldyrmaý úshin Nur-Sultannyń bas sanıtarlyq dárigeri qala turǵyndary men qonaqtaryn sanıtarlyq erejelerdi saqtaýǵa shaqyrady. Qazir vırýs áli de basylǵan joq.