Batys Qazaqstan oblystyq bas memlekettik sanıtar dárigeriniń 8 aqpandaǵy qaýlysy shyqty, dep habarlaıdy Egemen.kz
Batys Qazaqstan oblystyq sanıtarlyq-epıdemııalyq baqylaý departamenti málim etkenindeı, óńirde kınoteatrlardyń, sondaı-aq teatr, mádenı nysandardyń jumys jasaýyna ruqsat etildi.
Ol úshin kınoteatrlar InfoKazakhstan.kz saıtynda mindetti túrde tirkelip, barlyq sanıtarlyq talaptardy saqtaı otyryp, tolymdylyǵy 20 paıyzdan aspaýy tıis. Sol sekildi teatr, mádenı nysandarda jeke jáne toptyq daıyndyqta bir mezgilde kelýshiler sany 30 adamnan, oryndar sany 20 paıyzdan aspaýy kerek.
Sondaı-aq qoǵamdyq tamaqtandyrý oryndarynyń qyzmet jasaý merzimi uzartylyp, saǵat 07.00-den 24.00-ge deıin ashyq bolady.
Qoǵamdyq kólikter toqtatylmaıdy, ıaǵnı Oralda jeksenbi kúni de júretin boldy. Al saýda úıleri jáne jabyq bazarlar tek jeksenbi kúnderi jumys istemeıdi.
Basqa shekteý is-sharalary saqtalady. Eske sala ketsek, Oralda jeksenbi kúnderi qoǵamdyq kólik júrmeıdi. Sondaı-aq BQO aýdandarynda koronavırýsqa qarsy ekpe jasala bastady.