Batys Qazaqstan oblysynyń Báıterek aýdanynda shaǵyn ǵana Rýbejka ózeni tasyp, ýaqytsha kórpirdi buzyp kete jazdady, dep habarlaıdy Egemen.kz
Oqıǵa 8 qańtar kúni keshkisin baıqalǵan. Sońǵy kúnderi kún kúrt jylynyp, jańbyr jaýǵannyń saldary ózen arnasyn toltyryp jibergen. Sóıtip, aǵyn sý Rýbejka aýylyna baratyn jolǵa ornatylǵan ýaqytsha kópirdiń topyraqty irgetasyn shaıyp jibere jazdady.
Aıta keteıik, Rýbejka – jalpy uzyndyǵy 82 shaqyrymǵa deıin baratyn shaǵyn ózen, Jaıyqtyń oń jaq salalarynyń birine jatady. Maýsymdyq kezeńde ǵana aǵys paıda bolyp, qalǵan ýaqytty tynysh jatatyn, sońǵy jyldary qýańshylyqtan bólinip, úzilip qalǵan ańǵar bolatyn. Rýbejka aýylynyń tusynda ózen ústine kópir qurylysy 2020 jyly qyrkúıek aıynda bastalǵan. Jol qatynasy úzilmeýi úshin osy kópirdiń janynan turbalar salyp, ýaqytsha eni – 6, uzyndyǵy – 30 metrlik topyraq kópir jasalǵan eken. Mine, osy turbalarǵa tasyǵan sý syımaı, keptelip, bos topyraqty aǵyzyp kete jazdady.
Oqıǵa ornyna Batys Qazaqstan oblystyq Tótenshe jaǵdaılar departamenti basshylary, Báıterek aýdany jol qyzmeti mamandary jedel baryp, jaǵdaıdy baqylaýǵa alǵan. Resmı habarǵa qaraǵanda avtokólik qozǵalysy toqtamaǵan. О́zen arnasy qalpyna túsip, eldimekenderdi sý basý qaýpi joıylǵan.
Batys Qazaqstan