Atyraýda arnaıy ashylǵan 24 orynda «Spýtnık V» vaksınasy salý jalǵasyp jatyr. Oblystyq densaýlyq saqtaý basqarmasy baspasóz qyzmetiniń málimetinshe, vaksına alǵandar 800 adamnan asyp otyr.
«Oblysta 1-8 aqpan aralyǵynda vaksına alǵandar 833 adamǵa jetti. medısına qyzmetkeri koronavırýs ınfeksııasyna qarsy vaksına qabyldady. Onyń ishinde 794 medısına qyzmetkeri bar. Sondaı-aq, 7 aýdannan densaýlyq salasynyń 237 qyzmetkeri erikti túrde vaksına saldyrdy. Al oblystyq sanıtarııalyq-epıdemıologııalyq qadaǵalaý departamentiniń 30 mamany men 9 memlekettik qyzmetker de indetke qarsy ekpe aldy. Eriktilerge vaksına salý jalǵasyp jatyr», dedi basqarma basshysynyń orynbasary Qaısar Abdalıev.
Onyń aıtýynsha, vaksına saldyrǵanda janama áser baıqalǵan joq.