Álııa Iýsýpova Gımnastıkadan QR federasııasynyń basshysy bolyp saılandy, dep habarlaıdy Egemen.kz
Basshyny saılaý federasııanyń esep berý-saılaý konferensııasy barysynda ótti.
«Bul taǵaıyndaý men úshin – jańa syn, qazirgi qyzmetimnen qyzyǵy kem túspeıtin – jańa kezeń. Aqtoty Raıymqulova basshylyq etetin Mádenıet jáne sport mınıstrligine senim úshin jáne Úmit Bolathanqyzyna 10 jylda atqarǵan jumysy úshin alǵys bildiremin. Men bas bapker qyzmetindegi jumysymdy jalǵastyratyn bolamyn. Sebebi jańa taǵaıyndaý – bul qoǵamdyq laýazym. Men ekeýin qatar alyp júremin. Maqsat – sportty damytý jáne elge nátıje alyp kelý. Alǵashqy ýaqytta ońaı bolmasyn túsinemin. Alaıda, meniń tájirıbem, bilimim jáne kúsh-jigerim, sondaı-aq federasııa múshelerimen birlesken jumys kóptegen mindetterdiń sheshimin tabatyn bolady. Federasııamyzǵa kiretin árbir sportty damytý jáne tanymal etý baǵytynda birge jumys isteımiz», dedi Á.Iýsýpova
Álııa Maqsutqyzy Iýsýpova – 36 jasta. Shymkent qalasynda dúnıege kelgen. Afıny jáne Beıjiń Olımpıadalarynyń qatysýshysy. QR eńbek sińirgen jattyqtyrýshy. Búginde kórkem gımnastıkadan Qazaqstan Respýblıkasynyń bas bapkeri.