Qańtardyń aıaǵyndaǵy jaǵdaı boıynsha sheteldik ınvestorlardyń Qazaqstan Respýblıkasynyń memlekettik qaryzyna salynǵan ınvestısııa kólemi 604 mlrd teńgeni qurady. Bul kórsetkish búkil baqylaýlar tarıhyndaǵy Qazaqstan úshin absolıýtti rekord bolyp tabylady. Aldaǵy ýaqytta qundy qaǵazdar naryǵynda sheteldik ınvestorlardyń kelýi qalypty jaǵdaıǵa aınalady, dep jazady Egemen.kz.
Ulttyq banktiń monetarlyq operasııalar departamenti dırektorynyń orynbasary Ivan Serdıýk búgin jýrnalıstermen kezdesken kezde pandemııaǵa qatysty turaqsyz jaǵdaıǵa qaramastan, ınvestorlar qaıtadan damýshy naryqtardaǵy qaýipti aktıvterge qyzyǵýshylyq tanyta bastaǵanyn aıtty.
– Rezıdent emesterdiń memlekettik qaryzǵa degen suranysynyń artýy jergilikti qarjy naryǵyna jáne onyń ınfraqurylymyna degen belgili bir senimdilikti kórsetedi, - dep atap ótti Ivan Serdıýk.
2020 jyldyń basynda sheteldik ınvestısııa 0,9 mlrd teńgeni qurasa, 2021 jyldyń qańtar aıynyń sońynda bul kórsetkish 198 mlrd teńgeni quraǵanyn qosamyz.
Osy jyldyń qańtar aıynyń sońyndaǵy jaǵdaı boıynsha Ulttyq banktiń notalarynyń 11,45% sheteldikterge tıesili.