Djordj Vashıngton Ýnıversıtetiniń Ortalyq Azııa baǵdarlamasynyń qoldaýymen Qazaqstan men AQSh arasyndaǵy dıplomatııalyq qatynastardyń ornaǵanyna 30 jyl tolýyna oraı vırtýaldy dóńgelek ústel ótti.
О́zderińizge málim, 2021 jylǵy 16 jeltoqsanda Qazaqstan Táýelsizdiktiń 30 jyldyǵyn atap ótedi. Qazaqstannyń Tuńǵysh Prezıdenti Nursultan Nazarbaevtyń alǵashqy sheshimderiniń biri – Semeı ıadrolyq polıgonyn jabý jáne álemdegi tórtinshi ıadrolyq arsenaldy joıý, bul egemen Qazaqstan tarıhynda jańa paraqty ashty.
Sońǵy jyldarda qazaqstan-amerıkandyq ózara is-qımyl ınvestısııalyq jáne saýda-ekonomıkalyq baılanystardy, saıası saladaǵy jáne aımaqtyq jáne jahandyq qaýipsizdik boıynsha tyǵyz yntymaqtastyqty damytý úshin berik negiz qurdy.
Qazaqstannyń AQSh-taǵy Elshisi Erjan Qazyhanov alǵy sózinde eki el arasyndaǵy yntymaqtastyqtyń joǵary serpinin jáne saıası, saýda-ekonomıkalyq jáne gýmanıtarlyq salalardaǵy ózara is-qımyldyń basym baǵyttaryn atap ótti.
Vırtýaldy talqylaýdyń spıkerleri retinde Qazaqstan men AQSh-tyń burynǵy Elshileri sóz sóılep, ótken jyldardaǵy ekijaqty qatynastardyń basty jetistikteri týraly aıtty.
1996-2000 jyldary bolǵan Qazaqstannyń AQSh-taǵy Elshisi Bolat Nurǵalıev jáne 2004-2008 jyldar aralyǵyndaǵy Qazaqstandaǵy amerıkandyq dıplomatııalyq mıssııanyń jetekshisi Djon Ordveı eki eldiń arasyndaǵy keńeıtilgen strategııalyq seriktestiktiń odan ári tereńdeýin quptady.
О́z sózinde AQSh-tyń Qorǵanys mınıstriniń burynǵy orynbasary Endrıý Veber ıadrolyq qaýipsizdik máseleleri boıynsha Qazaqstanmen yntymaqtastyq týraly pikirimen bólisip, Qazaqstannyń jahandyq qarýdy taratpaý jáne qarýsyzdaný salasyndaǵy mańyzdy rólin atap ótti.
Belsendi pikirtalastyń sońynda qatysýshylar men moderator – Atlantıkalyq keńestiń Eýrazııalyq ortalyǵynyń dırektory Djon Herbst – qarym-qatynastyń barlyq spektri boıynsha ekijaqty yntymaqtastyqtyń joǵary deńgeıde ekendiginde toqtalyp, Djo Baıdenniń jańa Ákimshiliginiń eki el arasyndaǵy seriktestikti tereńdetý jolyndaǵy mańyzdy qadamy retinde AQSh prezıdentiniń Qazaqstanǵa tarıhtaǵy birinshi sapary bolýy kerek ekendigin aıtty.