Atyraý oblysynda 11 aqpanda 76 jastaǵy egde adam 150 qoımen birge joǵalyp ketti. Ony polısııa ınspektory bir kúnnen soń tapty, dep habarlaıdy Egemen.kz
«Jylyoı aýdandyq polısııa bólimine 11 aqpanda kúndizgi saǵat 10:35 shamasynda Jem selolyq okrýgindegi sharýa qojalyǵynda jumys isteıtin 76 jastaǵy er adamnyń joǵalǵany týraly habar tústi. О́riske 150 qoıdy baǵýǵa shyqqan egde adam qaıta oralmaǵan. Sol kúni polıseıler men aýdandyq Tótenshe jaǵdaılar bóliminiń qyzmetkerleri egde jastaǵy adamdy izdeýdi bastady», dep málim etti oblystyq polısııa departamentiniń baspasóz qyzmetinen.
Joǵalǵany qarııany izdestirý toqtatylǵan joq. Birneshe nusqa qarastyryldy. Jylyoı aýdandyq polısııa bóliminiń ýchaskelik polısııa ınspektory Birjan Zınýllın joǵalǵan azamatty bir táýlikten soń, 12 aqpanda saǵat 11:00-de «Asan-Ketken» qyrynan tapty. Sharýa qojalyǵynyń qystaǵynan 15 shaqyrym qashyqtan tabylǵan qarııanyń týystary polısııa ınspektoryna alǵysyn bildirip otyr.
«Shynymdy aıtsam, joǵalǵan qarııanyń týystary alǵys aıtar dep kútken joq edim. О́ıtkeni, qınalǵan adamdarǵa qol ushyn sozýdy mindetim dep sanaımyn. Sondyqtan, maqsatym – júrek qalaýymmen tańdaǵan qyzmetimdi, ózime júktelgen mindetti abyroımen jáne adaldyqpen atqarý», deıdi ýchaskelik polısııa ınspektory Birjan Zınýllın.