Japonııada senbi kúni 7,3, magnıtýdalyq jer silkinisi bolyp, 103 adam zardap shekti, dep habarlaıdy Egemen.kz QazAqparatqa silteme jasap.
Agenttik taratqan aqparttarǵa qaraǵanda, osyǵan deıin zilzalanyń saldarynan 50 adamnyń zardap shekkeni týraly aıtylǵan. Zardap shekkenderdiń basy bóligi Mııagı, Fýkýsıma prefektýralarynyń turǵyndary. Bul aımaqta jerasty dúmpýleri basqa óńirlermen salystyrǵanda qatty sezilgen.
Zardap shekkenderdiń basym bóligi jerasty dúmpýi kezinde qulap, jaraqat alyp, nemese bir jerin aýyrtyp alǵandar.
Aıta keteıik, senbi kúni keshkisin Tynyq muhıtta, Japonııanyń Fýkýsıma prefektýrasynyń soltústik-shyǵysynda qýatty jer silkinisi boldy.
Japonııanyń ulttyq meteorologııa basqarmasy aldyn jer silkinisiniń 7,1 magnıtýda shamasynda bolatynyn eskertken. Alaıda jer silkinisiniń qýaty 7,3-ke deıin bardy. Jerasty dúmpýi Japonııanyń Fýkýsıma men Mııagı prefektýralarynda jáne el astanasynyń ortalyǵynda sezilgen. Sonymen qatar jer silkinisin eldiń soltústigi, soltústik-shyǵysy men Japonııanyń ortalyǵyndaǵy 10-nan astam prefektýra turǵyndary sezgen.