“DIDAR” KINOFESTIVALI

aldaǵy Azıada oıyndary men elimizdiń EQYU-ǵa tóraǵalyq etýine arnalmaq Bıyl besinshi ret bolatyn “Dıdar” – Almaty stýdentter kıno­festıvali “Jańa onjyl­dyq – Qazaqstan jastarynyń jańa serpilisi” degen uranmen ótkeli otyr. Atalmysh kıno­festıval aldaǵy VII qysqy Azııa oıyndaryn jastar ara­synda nasıhattap ári elimizdiń EYQU-ǵa tóraǵalyq etý qur­metine qurylmaq. Alǵash ret atalmysh kıno­festıval Almaty jastary arasynda ótkizilgen bolatyn. Araǵa jyl salyp respýblıkalyq deńgeıge kóterildi. Halyqaralyq deńgeıge kóterilýge áleýeti bar kınododa bes jyl ishinde bir­qatar talantty jastarymyzdyń tyrnaqaldy týyndylarynyń tusaýyn kesip, úlken ekranǵa joldama berýden jańylmaı kele jatyr. Kınofestıvaldiń maq­saty da aıqyn, ol – óz zaman­dastaryn týǵan eldi qurmetteýge shaqyra­tyn jáne ulttyq úrdis pen mádenıetti tereń nasıhattaı alatyn daryndy jastardy tabý. Kınoóndirisi salasynda Almaty jastar kınofestıvali­niń atqaryp otyrǵan tirligi tolaıym bolmasa da jas sýret­kerlerdiń qabiletin shyńdaýǵa, jigerlendirýge yqpaly bar ekenin ónertanýshylar moıyn­daıdy. Onyń ústine “Dıdar” festıvaliniń Almaty qalalyq ákimdiginen de bólek, alty birdeı uıymdastyrýshysy bar. Olar – Almaty qalasy jastar saıasaty jónindegi basqarmasy, “Dıdar” prodıýserlik ortalyǵy” qoǵam­dyq qory, Almaty jastar saıa­satyn damytý memlekettik qory, T.Júrgenov atyndaǵy Qazaq ulttyq óner akademııasy. Resmı qoldaýshylary Mádenıet mı­nıstrligi men “Nur Otan” HDP “Jas Otan” jastar qanaty. Jeti birdeı maqsatqa quryl­ǵan kınofestıval aıasynda stýdent­ter fılmderiniń, shyǵar­mashy­lyq ujymdar qatysqan fılmder men mýzykalyq klıp­ter baıqaýy ótedi. Sol sııaqty “Qazaqstandyq jastar kınosy: álemdik kıno­naryqta alatyn orny” taqyry­byna dóńgelek ústel, sheberlik dárister ótpek. Baıqaý barysynan bólek, aq­parat­tyq fılmderdiń kórseti­lim­derin jasaý kózdelip otyr. Baıqaýǵa 2008-2010 jyldar ara­lyǵynda qazaq jáne orys til­derinde “Meniń Qazaq­stanym!” urany aıasynda túsiril­gen kór­kem­sýret­ti, derekti, anımasııa­lyq fılm­der men mýzykalyq beıneklıp­ter qabyldanbaq. Aınash ESALI. ALMATY.