QR Qarjylyq monıtorıng agenttiginiń Pavlodar oblysy boıynsha Ekonomıkalyq tergeý departamenti «STOR-OBNAL» jedel sharasy sheńberinde naqty jumystardy oryndamaı, qyzmetterdi kórsetpeı jáne taýarlardy jóneltpeı jalǵan shot-faktýralardy jazyp berý faktisin anyqtady.
Pavlodar oblysy aýmaǵynda 2018-2019 jyldar aralyǵynda bir top tulǵa «ózara esep aıyrysý» týraly jalǵan býhgalterlik qujattardy jazyp berýmen aınalysqany anyqtaldy. Osylaısha, uıymdasqan qylmystyq top kontragent-kásiporyndarǵa salyq tóleýden jaltarýda kómek kórsetip, nátıjesinde memleketke 1 mlrd. teńgege jýyq shyǵyn keltirildi.
Atalǵan fakt boıynsha sotqa deıingi tergeý isi bastaldy, onyń sheńberinde aıyptalýshylardyń basqa qylmystyq quqyq buzýshylyqtarǵa qatysty bolýy (memlekettik satyp alýdy ótkizý kezinde bıýdjet qarajatyn jymqyrý, qylmystyq jolmen alynǵan kiristerdi (múlikti) zańdastyrý, sondaı-aq shetelge kapıtaldy shyǵarý) tekserilýde.