Qazirgi zaman talabyna saı árbir Qazaqstan azamaty, eńbektegen sábı men eńkeıgen qartqa deıin óz quqyǵyn jete bilip, ony qajetine saı ómir súrý daǵdysynda qoldana bilýi kerek. Árbir adam óziniń quqyqtary men bostandyqtaryn qorǵaıtyn zańdardy bilýi qajet. Sondaı-aq zań adamǵa mindetter júkteıdi. Adam - basqalardyń quqyqtaryn buzbaýy, olardyń ómirine, densaýlyǵyna, ar-namysyna qol suqpaýy kerek. Adam túrli jaǵdaıda ómir súredi: otbasynda, jumysta, mektepte, kópshilik jerde. Adamnyń qoǵam men memleket aldyndaǵy mindeti: memleketti qorǵaý, salyq tóleý, memlekettik rámizderdi qurmetteý.
Biz sııaqty qanshama adam dúnıege kelýde? Osy adamdardyń barlyǵy bir zańǵa baǵynady. Ol – konstıtýsııa dep atalady. Ár eldiń, memlekettiń óz azamattaryna arnalǵan Zańy, Konstıtýsııasy bar. Bul Zańda bizdiń quqyqtarymyz ǵana emes, mindetterimiz de qatar jazylǵan.
Quqyq – qoǵamdaǵy adamdardyń ózara qatynasyn rettep otyratyn memleket belgilep, qorǵaıtyn normalar men erejeler jıyntyǵy, osy normalardy zertteıtin ǵylym.Mindet – adamdar buljytpaı oryndaýǵa tıisti tártip pen qarym-qatynasqa qoıylatyn talap.
Osy taqyryptyń aıasynda S.Jıenbaev atyndaǵy oblystyq jasóspirimder kitaphanasynda, oqyrmandardyń quqyqtyq saýattylyǵyn arttyrý maqsatynda «Men jáne meniń quqyǵym» atty oı-pikir saǵaty ótkizildi. Shara barysynda oqyrmandardyń suranysyna saı qajetti suraqtar talqylanyp, kerekti aqparattar oı talqyǵa tústi. Ádilet departamentiniń halyqqa zańgerlik qyzmet kórsetý jáne quqyqtyq túsindirý jumysy bóliminiń basshysy Jýmın Jaqsylyq Janatuly oqyrmandarymyzdyń suraqtaryna jaýap berip, aqyl – keńesin usyndy. Shara sońynda kitaphana dırektory Gúljaınar Narenqyzy pikir-talasqa belsene qatysqan oqyrmandar men arnaıy ýaqyt bólip kelip, kópshilikke túsindirý jumystaryn júrgizgen meımanǵa alǵysyn bildirdi.
«Quqyǵyńdy qorǵaı bil!» atty kitap kórmesi uıymdastyrylyp, kitaphana qorynda saqtalǵan, atalmysh taqyryp aıasyndaǵy ádebıetter, gazet – jýrnaldar, maqalalar kópshilik nazaryna usynyldy. Jaqsy istiń jarshysy bolyp, ıgi isterdiń bastamasynda júretin kitaphana ujymy úshin osyndaı halyqqa paıdaly, oqyrmandaryna oı salatyn izgi nıetti sharalar dástúrli túrde óz jalǵasyn taba beredi.
Azatgúl Qaınaqaeva,
S.Jıenbaev atyndaǵy
oblystyq jasóspirimder
kitaphanasynyń kitaphanashysy.
Aqtóbe qalasy.