Aldaǵy ýaqytta el azamattarynyń aty-jónderi latyn álipbıinde jazylatyn bolady. Bul týraly Mádenıet jáne sport mınıstrliginiń alqa májilisinde vıse-mınıstr Nurǵısa Dáýeshov málimdedi, dep habarlaıdy Egemen.kz
«Qazaqstan Respýblıkasyndaǵy til saıasatyn iske asyrýdyń 2020-2025 jyldarǵa arnalǵan memlekettik baǵdarlamasyna ózgerister engiziledi. Atap aıtqanda, «Abaı ınstıtýty» atty Qazaqstanda jáne shetelderde qazaq tilin úıretý jáne ilgeriletý baǵdarlamasyn jetildirip, qoldanys aıasyn keńeıtý josparlanǵan. Odan bólek qazaq tili ulttyq korpýsynyń pýblısıstıkalyq mátinderiniń kishi korpýsyn ázirleý jumystary júrgiziledi», dedi ol.
Sondaı-aq Qazaqstan Respýblıkasy azamattarynyń aty-jónderin latyn negizdi álipbımen jazý erejeleri ázirlenbek.
«Qazaqstan Respýblıkasynyń aýmaǵyndaǵy geografııalyq nysandardyń jáne olardyń quramdas bólikteriniń ataýy latyn grafıkasy negizinde standarttalady. Sondaı-aq, qazaq tilin ǵylym tiline aınaldyrýǵa baǵyttalǵan ǵylymı-lıngvıstıkalyq baza qurý kózdelgen», dedi vıse-mınıstr.