Qyzylordada polıseıler 1 mln 250 myń teńgeni zańsyz ıemdengen alaıaqty qolǵa túsirdi, dep habarlaıdy Egemen.kz Polisia.kz saıtyna silteme jasap.
17 aqpan kúni Qyzylorda qalalyq Polısııa basqarmasyna 1988 jyly týǵan qala turǵyny aryzdandy. Aryzdanýshynyń aıtýynsha, oǵan belgisiz bir azamatsha qala aýmaǵynda qoljetimdi turǵyn úı alýǵa járdemdesemin dep ýáde berip, aldaý arqyly 1 250 000 teńge kóleminde aqshasyn ıelengen.
Polısııa qyzmetkerleri ótkizgen jedel-izdestirý is-sharalarynyń nátıjesinde osy qylmysty jasaýǵa kúdikti retinde oblys ortalyǵynyń 33 jastaǵy turǵyny ustaldy. Atalǵan derek boıynsha Qazaqstan Respýblıkasy Qylmystyq kodeksiniń 190-babynyń 1-bóligimen (Alaıaqtyq) sotqa deıingi tergep-tekserý amaldary júrgizilýde.