Almaty qalalyq bilim basqarmasy 2021 jyldyń basynan beri Almatyda 707 oqýshy KVI juqtyrǵanyn málim etti, dep habarlaıdy Egemen.kz
Basqarma habarlaǵandaı, offlaın rejimde bilim berip jatqan mektepterde KVI anyqtalǵan jaǵdaıda synyptar nemese mektep karantınge ınkýbasııalyq merzim bitkenshe jabylady.
«Almaty qalalyq sanıtarlyq epıdemıologııalyq baqylaý departamentiniń málimetine sáıkes 2021 oqý jylynyń basynan bastap 707 oqýshynyń koronavırýs juqtyrǵany anyqtaldy. Onyń ishinde 110 oqýshy offlaın rejimde bilim alsa, 597 oqýshy qashyqtan oqyǵan. 80 paıyzynda oqýshylar vırýsty úıindegi týysqandardan juqtyrǵan», dedi basqarmadan.
Bilim basqarmasy resmı jaýabynda kórsetkendeı, epıdemıologııalyq ahýalǵa baılanysty balalardyń densaýlyǵyn saqtaý maqsatynda qalada 205 mektep qashyqtan oqytý formatyna kóshken bolatyn.
«Kólsaı men Sulýsaı eldi mekenderindegi oqýshylar sany az № 194 jáne 197 mektepterde oqytý shtattyq rejimde júrip jatyr. Barlyq mektepter sanıtarlyq quraldarmen qamtylǵan», deıdi vedomstvo.
Qazir Almatyda 153 memlekettik mektepte 1 425 kezekshi synyp ashylǵan. Onda 1-5 synyp aralyǵyndaǵy 19 528 oqýshy bilim alyp jatyr. 189 memlekettik mektepte 9-11 synyptarǵa arnalǵan 1856 topta 23 510 oqýshy bilim alyp jatyr. Almatyda 2020-2021 oqý jylynda 278 mektepte jalpy 288 myń oqýshy bilim alyp jatyr.