О́skemen qalasynda jeńil atletıkadan ótken Qazaqstan chempıonatynda Qaraǵandy oblysynyń qurama komandasy 10 altyn, 7 kúmis jáne 8 qola medalmen jalpykomandalyq esepte birinshi oryndy jeńip aldy, dep habarlaıdy Egemen.kz. oblystyq dene shynyqtyrý jáne sport basqarmasynyń baspasóz qyzmetine silteme jasap.
Atap aıtqanda, Davıd Efremov (60 metrge kedergiler arqyly júgirý), Vıtalıı Zems (60m jáne 200m júgirý), Sergeı Dementev (altysaıys), Nadejda Barbanova (ıadro laqtyrý), A Kıselev (uzyndyqqa sekirý) jáne Marııa Ovchınnıkova (úsh qarǵyp sekirý) chempıon atandy.
Aıta ketý kerek, Davıd Efremov osy jarysta Qazaqstannyń jańa rekordyn ornatty. Atalǵan sportshy – Tokıo Olımpıadasynyń lısenzııasynan birden-bir úmitker atlet.
Sonymen qatar, Anel Shýlakova (60m/k), Batyrhan Baımuhametov (bıikke qarǵý), Sergeı Sýhov (800m), Evgenıı Prokýdın (60m/k), Danıl Polıanskıı (syryqpen sekirý) kúmis júlde ıegerleri atandy.
Al Vladıslav Grıgorev (200m), Rıma Kashafýtdınova (60m), Anna Shýmılo (400m), Natalıa Ýlbrıht (800m), Dýman Ǵabdyǵalıev (800m), Marııa Olhovık (bessaıys) jáne Elızaveta Fedorýk (uzyndyq) qola medaldi qanaǵat etti.
Sonymen qatar, qaraǵandylyq sportshylar estafeta saıystarynda da tamasha nátıejelerge qol jetkizdi. Mysaly, Pavel Karpenko, Nıkıta Chýporshnev, Irına Grıgoreva jáne Stefanııa Artemeva estafeta mix 4h200 synynda, Krıstına Korıagına, Rımma Kashafýtdınova, Valerııa Safonova jáne Irına Grıgoreva estafeta 4h400 synynda, Vıtalıı Zems, Evgenıı Prokýdın, Davıd Efremov jáne Nıkıta Chýporshnev estafeta 4h200m synynda úzdik shyqty.
Sondaı-aq, Natalıa Ýlbrıht, Anna Shýmılo, Adelına Ahmetova jáne Stefanııa Artemeva estafeta 4h400, Rımma Kashafýtdınova, Krıstına Korıagına, Krıstına Naýmkına jáne Irına Grıgoreva estafeta 4h200 jarysynda kúmis medal enshiledi.
Al Nıkıta Chýporshnev, Pavel Karpenko, Sergeı Sýhov jáne Dýman Ǵabdyǵalıev estafeta mix 4h400 saıysynda qola júldege qol jetkizdi.