«Jut jeti aǵaıyndy» degen ras-aý, keshe ǵana Jambyl oblysyndaǵy Jańatas qalasyndaǵy kópqabatty úıdiń birinen shyqqan órtten bes bala mert bolyp qaıǵy jutyp qalyp edik, búgin Petropavl qalasyndaǵy bes qabatty úıdiń bir kireberisi tutastaı órttenip, ázirge belgili bolǵanyndaı 2 adam qaza bolyp, on adam jaraqat aldy.
О́rt ornynda keshki saǵat 18.00-de bolǵanymyzda ol áli tútindep jatty. Oblys ortalyǵynyń órtsóndirgish qyzmetteri men jedel-qutqarýshylar gazǵa qarsy quralmen qyzý jumys isteýde eken. Polısııa departamentiniń qyzmetkerleri aınalany qorshap, qaýipsizdik úshin eshkimdi kirgizbeı qoıǵan. Bizdiń jýrnalıstik kýáligimizdi kórgen soń ǵana oqıǵa ornyna jiberdi.
Sol jerdegi kóz kórgenderdiń aıtýyna qaraǵanda qutqarýshylar adamdardy birneshe zembilmen shyǵarǵan. Qazir júzden asa turǵyn sol mańdaǵy №2 mektepke ornalastyrylypty. Qulaǵan tóbeler men zattardyń arasynda qalǵan adamdar izdestirilip jatty.
Úıdiń birinshi qabatynda «Qara jorǵa» atty kafe bar eken. Oblystyq Tótenshe jaǵdaılar departamentiniń bastyǵy Ramıl Kamalovtyń aıtýyna qaraǵanda órt osy jerden shyqqan dep boljanýda. Biraq birinshi qabatta odan basqa da birneshe kásipkerlik keńseleri bolǵan eken. О́rt bálkı solardyń birinen shyǵýy múmkin. Biz barǵan kezde dalada birneshe gaz balondary jatty. Soǵan qaraǵanda úıdiń turǵyndary da ákeletin gazdy paıdalanǵan sııaqty.
Úıdiń kireberisi qulaǵan. Qutqarýshylar ony syryp, jol salyp qana ishke kire alǵan, sondaı-aq syrttan baspaldaqpen kirýde. Úılerden qalyń tútin shyǵyp jatqandyqtan qutqarýshylardyń jumysyn qıyndata túsken. «Qazir osy jerde 14 tehnıka men 60-tan artyq adam jumys isteýde», dedi R.Kamalov.
О́rt mańynda aıǵaı-shý, baıbalam, dúrbeleń joq. О́rtsóndirgishter men polısııa jaǵdaıdy tolyq baqylaýǵa alǵan. Saǵat 20.00 kezinde órt tolyq yryqtandyryldy.