Bul kúnderi Bolgarııanyń astanasy – Sofııada bokstan dástúrli Strandja týrnıri ótip jatyr. Aıtýly dodada Qazaqstannyń da bylǵary qolǵap sheberleri óner kórsetýde.
Jarysty jerlesterimiz jap-jaqsy bastaǵan edi. Tusaýkeser kezdesýinde 63 kılo salmaqtaǵy Samatáli Tóltaev túrkııalyq Mezam Aqkólden aılasyn asyrsa, 51 kılo salmaqtaǵy Nazym Qyzaıbaı marokkolyq Rababy Cheddarǵa shań qaptyrdy. Qos boksshymyzdyń da óneri mamandar tarapynan joǵary baǵalandy.
Alaıda olardan keıin sharshy alańǵa shyqqan bylǵary qolǵap sheberlerimiz senim údesinen shyǵa almady. Atap aıtsaq, 60 kılo salmaqtaǵy Rıma Volosenko amerıkalyq Rashıda Ellıske, al 52 kılo salmaqtaǵy Oljas Baınııazov úndistandyq Deepak Qumarǵa jol berdi.
Sondaı-aq, aldaǵy kúnderi biz Beıbarys Jeksen, Qýan Qýatov, Nurqanat Raıys, Baýyrjan Baıgonshekov, Saǵyndyq Toǵmbaı, Aıboldy Dáýrenuly jáne Ádil Basyǵaraev syndy jigitterimizdiń ónerin tamashalaımyz. Sofııadaǵy saıys 27 aqpanǵa deıin jalǵasady.