Qazaqstan elshisi Darhan Satybaldy Ortalyq Azııa halyqaralyq ınstıtýtynyń (OAHI) dırektory Anvar Nasırovpen kezdesti, dep habarlaıdy Egemen.kz
OAHI dırektory elshini О́zbekstan Respýblıkasynyń Prezıdenti Shavkat Mırzııoevtiń bastamasymen qurylǵan mekemeniń maqsattary men qyzmetiniń negizgi baǵyttary týraly habardar etti.
Kezdesý barysynda taraptar sońǵy jyldary strategııalyq áriptestiktiń sapaly jańa deńgeıine shyqqan Qazaqstan-О́zbekstan ekijaqty qarym-qatynastary damýynyń oń dınamıkasyn atap ótti. Eki eldiń arasyndaǵy baýyrlastyq qarym-qatynastar aıtarlyqtaı áleýetke ıe jáne barlyq salalarda odan ári jandandyrýdy qajet etetindigi atap ótildi.
Osy turǵyda ekijaqty josparly baılanystardy keńeıtý boıynsha usynystardy birlesip ázirleý maqsatynda ǵylymı-zertteý mekemeleri men eki eldiń sarapshylar qoǵamdastyǵy arasynda ózara is-qımyl ornatýdyń mańyzdylyǵy aıtyldy.