Pavlodar oblysynda qutqarýshylardyń jedel jáne úılesimdi is-áreketteriniń arqasynda qar qursaýynda qalǵan 9 jolaýshynyń eshqaısyn úsik shalǵan joq jáne medısınalyq kómekke muqtaj bolmady, dep habarlaıdy Egemen.kz saıtyna silteme jasap.
«24 aqpanda saǵat 19-40-ta «112» pýltine Ekibastuz aýyldyq aımaǵynan kómek qajet ekeni týraly telefon habarlamasy tústi. Shıqyldaq aýylynan 8 shaqyrym jerde Qyzylorda – Pavlodar avtojolynda 2 jeńil kólik qar qursaýynda qalyp qoıǵan. Oqıǵa ornyna dereý jeke quramnan 2 adam jáne 1 tehnıka jiberilip, 2 jeńil avtomashına joldyń tazartylǵan ýchaskesine súırep shyǵaryldy. Salonda 6 adam boldy, olar medısınalyq kómekke muqtaj bolǵan joq», deıdi oblystyq TJD baspasóz qyzmetinde.
Sondaı-aq 25 aqpan kúni saǵat 2-46-da Ekibastuz qalasynan 40 shaqyrym jerde jeńil kóliktiń isten shyqqany týraly habarlama tirkelgen. Oqıǵa ornyna jedel-qutqarý jasaǵynan 2 adam shyǵyp, Ekibastuz qalasyna 3 adamdy jetkizdi.