Bolgarııa astanasy Sofııada boksshylar básekesi jalǵasyp jatyr. Egemen.kz halyqaralyq "Strandja-2021" jarysyndaǵy qazaqstandyq sportshylar nátıjesin usynady.
75 kelide sharshy alańǵa shyqqan Raıys Nurqanat shvesııalyq qarsylasy Chartoı Adamnan 3:2 esebimen basym túsip, kelesi aınalymǵa joldama aldy.
Baýyrjan Baıgónshekov 81 kelide judyryqtasyp, armenııalyq Gor Nerseıannan 3:2 esebimen utylyp qaldy. Sondaı-aq, Saǵyndyq Toǵambaı (91 kg) da jarystan shyqty. Bolgarııalyq boksshy Radosla Pantaleevpen kezdesý, ókinishke qaraı, jeńilispen aıaqtaldy.
91 keliden joǵarǵy salmaqta Aıboldy Dáýrendi ýkraınalyq Sone Rogava jarys jolynan yǵystyrdy.