Grekııanyń Gazzetta basylymy jer jahandaǵy eń sulý voleıbolshy qyzdardyń reıtıngin jarııalady. Arýlardyń kóshin reseılik Alısa Manenok bastap tur, dep habarlaıdy Egemen.kz.
25 jastaǵy Alısa Tatarstannyń turady. Bala kezinen voleıbolǵa den qoıǵan ol qazirgi kezde Qazannyń federaldy ýnıversıtetiniń komandasynda óner kórsetedi. Sonymen qatar túrli sán konkýrsyna úzdiksiz qatysyp, model bıznesimen de aınalysady. 2016 jyly reseılik arý Úndistannyń astanasy – Delıde ótken «Sýper Model Interneshnl» baıqaýynda birinshi vıse-mıss atansa, 2018 jyly Ońtústik Koreıanyń bas shahary - Seýlde uıymdastyrylǵan «World Beauty Queen» konkýrsynda bas júldeni oljalady. Joǵaryda atalǵan grekııalyq basylym usynǵan aıdaı sulý arýlardyń tizimde bizdiń Sabına Altynbekova ekinshi orynda tur.
Al «TOP-10» voleıbolshylardyń tolyq tizimi mynadaı: Alısa Manenok (Reseı), Sabına Altynbekova (Qazaqstan), Klara Perıch (Horvatııa), Djeımı Robbıns (AQSh), Zehra Gıýnesh (Túrkııa), Ýınıfer Fernandes (Domınıkan Respýblıkasy), Lýıza Lıppmann (Germanııa), Bıanka Býsha (Serbııa), Samanta Brısıo (Meksıka) jáne Marııa Stensel (Polsha).