Qazaqstan Elshisi Jalǵas Ádilbaev Mońǵolııa Premer-Mınıstri Lývsannamsraı Oıýýn-Erdenemen kezdesti, dep habarlaıdy Egemen.kz
Elshi Lývsannamsraı Oıýýn-Erdeneni qyzmetine taǵaıyndalýymen jáne dástúrli Shaǵan merekesimen (aı kúntizbesi boıynsha Jańa jyl) quttyqtady. Kezdesý basynda otandyq dıplomat 2021 jyldyń 27 aqpanynda «Ulan-Batyr – Almaty» jáne 5 naýryzda «Ulan-Batyr – Nur-Sultan» baǵyttary boıynsha evakýasııalyq arnaıy reısterdi uıymdastyrǵany úshin rızashylyǵyn bildirdi.
О́z kezeginde L.Oıýýn-Erdene Qazaqstan men Mońǵolııa arasyndaǵy yntymaqtastyq dıplomatııalyq qatynastar ornaǵannan beri turaqty damýda ekenin jáne osy yntymaqtastyq deńgeıin arttyrý úshin barlyq salalarda belsendi birlesken is-qımyl jasaý qajettiligin atap ótti.
Osy turǵyda, mońǵol tarapy Mońǵolııanyń burynǵy Premer-Mınıstri Ýhnaagıın Hýrelsýhtyń 2019 jyldyń qazan aıynda Nur-Sultanǵa jasaǵan resmı sapary kezinde qol jetkizilgen ýaǵdalastyqtardy júzege asyrý boıynsha jumysty jalǵastyrýǵa daıyn ekenin rastady. Osy oraıda, L.Oıýýn-Erdene joǵaryda atalǵan sapar barysynda qol jetkizilgen ýaǵdalastyqtardy tıimdi júzege asyrý maqsatynda arnaıy jumys tobyn qurý bastamasyn kóterdi.