Úlken basshylar kishi qyzmetkerlerdiń jumysyn teksergende olardyń baıandamasyn tyńdaýmen ǵana shektelý qazirgi kezde damyǵan praktıka bolyp otyr. Bastyqtardyń bári demesek te negizgi bóligi oryntaǵynan kóterilip, jergilikti jerdi óz kózimen kórip, sondaǵy qyzmetkeriniń is-áreketterin halyqtan suramaıdy. Osy turǵydan alǵanda SQO PD bastyǵy, polısııa polkovnıgi Marat Tólebaevtyń isteri kópke úlgi bolǵandaı.
Ol kishi qyzmetkerlerdiń jumys barysyn jergilikti jerlerge baryp tekseredi. Jýyrda ol Qyzyljar aýdanyndaǵy Iаkor aýyldyq okrýginiń turǵyndarymen kezdesip, halyqtan ýchaskelik ınspektorlardyń jumys nátıjesin bildi.
Kezdesýde Marat Tólebaev oblystyq jáne aýdandyq polısııa basshylyǵy úshin oblystyń ár turǵynynyń pikiri mańyzdy ekenin atap ótti. Iаkor – qala mańyndaǵy aýyl. Jaqyn mańda kólik kóp júretin jol bar, jazda qala turǵyndary dem alý úshin jıi keledi, sonymen qatar kelgenderdiń ishinde qylmysty kásip qylǵandary da bolýy múmkin. Ýchaskelik ınspektorlar -polısııa aǵa leıtenanty Álibek Elýbaev pen leıtenant Bahtııar Sadýov tórt aýylǵa qyzmet kórsetedi: Iаkor, Olshanka, Vıshnevka jáne Voznesenka. Ýchaskede turatyn halyqtyń sany - 2585 adam. О́tken jyly sol aımaqta 19 qylmys tirkeldi, onyń 90% ashyldy. Ýchaskelik pýnkt bir qabatty ǵımaratta ornalasqan jáne azamattardy kúndelikti qabyldaýǵa qajetti barlyq zattarmen jabdyqtalǵan, úsh bólmesi bar.
Kezdesýde Marat Tólebaev qatysýshylardyń pikir-usynystaryn tyńdady jáne kópshiliktiń qoshemetimen aýyldyń jeti turǵynyna qoǵamdyq tártip pen qaýipsizdikti qamtamasyz etkeni, belsendi ómirlik ustanymy úshin Alǵys hattar tabys etti. Kezdesý sońynda PD bastyǵy azamattardy jeke qabyldady. Oblystyq polısııa basshylyǵynyń aýyl turǵyndarymen, onyń ishinde oblystyń alys aýdandary turǵyndarymen kezdesý tájirıbesi turaqty ótkiziledi jáne jalǵasatyn bolady.
Soltústik Qazaqstan oblysy