Qostanaı oblysy jer qatynastary basqarmasynyń basshysy Mereke Dıhaevtyń ústinen qylmystyq is qozǵaldy. Bul týraly «24 kz» habarlady.
M. Dıhaev jalǵan qujat jasap, bıýdjet qarjysyn jymqyrdy dep aıyptalýda. Mekemeniń bólim basshysy men bas býhgalteri de kúdikti retinde jaýapqa tartylmaq. Olar ózara sóz baılasyp, 2012-2013 jyldary kólik turaǵyn jalǵa alý jóninde jeke kásipkermen kelisim-shart jasaǵan. Osynyń saldarynan memleketke 700 myń teńge kóleminde shyǵyn keltirildi. «Oblystyq jer qatynastary basqarmasynyń basshysy Mereke Dıhaevqa jáne atalǵan memlekettik mekemeniń eki laýazymdy tulǵasyna qatysty Qylmystyq kodekstiń 176 jáne 314-baptary boıynsha qylmystyq is qozǵaldy. Olarǵa memleket qarjysyn jymqyrdy jáne qyzmettik jalǵandyqqa bardy degen aıyptar taǵylýda. Qazirgi ýaqytta tergeý aıaqtaldy. Qylmystyq is sotta qaralý úshin prokýratýraǵa jiberildi», - dedi oblystyq qarjy polısııasy departamentiniń baspasóz hatshysy Rýstam Sadyqov.
Baqytbek Keneshuly.
Derekkóz: «24 kz»
Foto: Altaynews.kz