Batys Qazaqstan oblysynda 9 myńǵa jýyq turǵyn úı jaryqsyz qaldy. Bul týraly «Astana» telearnasy habarlady.
Mamandardyń aıtýy boıynsha, elektr jelileri qatqan muzdaqtyń salmaǵyn kótere almaı, birneshe jerden úzilgen. Osynyń saldarynan atalǵan óńirdegi Kaztalov, Zelenov, Jańaqala, Bókeı Ordasy, Tasqala, Syrym men Jánibek aýdandarynyń eldi mekenderi qarańǵylyq qushaǵynda qaldy. Qazir energetıkter men tótenshe jaǵdaı qyzmetiniń mamandarynan jasaqtalǵan arnaıy brıgada úzilgen elektr jelilerin qalpyna keltirýde
«Arnaıy brıgada turǵyndardy jaryqpen qamtýǵa kirisip ketti. Ázirge Jánibek pen Kaztalov aýdandarynyń eldi mekenderine jaryq berildi. Biraq, aýa raıynyń birqalypty bolmaýy jumysty merziminde bitirýge kedergi keltirip tur. Áıtse de, biz bar múmkindikti jasaımyz», - deıdi «Batys Qazaqstan EJTK» AQ dırektorynyń birinshi orynbasary Marat Jumaǵalıev.
Mundaı jaǵdaı jergilikti óńirde byltyr da tirkelgen eken. Keleńsizdiktiń taǵy qaıtalanǵany kópshiliktiń ashý-yzasyn týǵyzdy. Jaýapty tulǵalar jaqyn arada máseleniń birjaqty sheshiletinine ýáde berdi.
Baqytbek Keneshuly.
Derekkóz: «Astana» telearnasy
Foto: Elektroas.ru