О́tip bara jatqan 2013 jyl elimiz úshin de, óner men mádenıet, ǵylym men saıasat salasyndaǵy jekelegen tulǵalar úshin de jemisti ári jeńisti boldy. Shúkir, aýyz toltyryp aıtarlyq jetistikterimizdi bir eske túsirip alý artyq bolmas dep oılaımyz.
Bekzat óner – klassıkalyq mýzykanyń hanshaıymy Nurjamal Úsenbaeva ústimizdegi jyly «Altyn Eýropa» marapatyn ıelengen edi. Jemisti jyl qorytyndylanyp jatqan sátte tanymal ánshige habarlastyq.
О́tip bara jatqan 2013 jyl elimiz úshin de, óner men mádenıet, ǵylym men saıasat salasyndaǵy jekelegen tulǵalar úshin de jemisti ári jeńisti boldy. Shúkir, aýyz toltyryp aıtarlyq jetistikterimizdi bir eske túsirip alý artyq bolmas dep oılaımyz.
Bekzat óner – klassıkalyq mýzykanyń hanshaıymy Nurjamal Úsenbaeva ústimizdegi jyly «Altyn Eýropa» marapatyn ıelengen edi. Jemisti jyl qorytyndylanyp jatqan sátte tanymal ánshige habarlastyq.
– Nurjamal hanym, bıylǵy jyl siz úshin tabysty boldy. Klassıkalyq mýzykadaǵy jetistigińizden basqa, taǵy qandaı qýanyshtardy bastan ótkerdińiz?
– Osy 2013 jyl meniń jeke ómirim úshin de, ónerim úshin de óte tabysty, qýanyshqa bólegen jyl boldy. Otbasymdaǵy qyzyqshylyqtyń eń úlkeni – Qarlyǵash qyzymnyń shańyraǵynda Ajar esimdi nemeremiz dúnıege keldi.
Sahnaǵa shyǵý, árıne, men úshin úlken jaýapkershilik jáne qýanysh. О́nerdi súıetin kópshilik aldyna shyǵyp, olarǵa klassıkalyq ónerdiń máıegin bere bilý bir másele bolsa, uly týyndylardy tabıǵatyna saı sheberlikpen oryndaý ol da úlken eńbekti talap etedi. Sondyqtan da bıylǵy jyly ónerdegi tabysym da, qýanyshym da Eýropalyq óner odaǵynyń bergen «Altyn Eýropa» («Golden Europea»)dep atalatyn mártebeli marapatqa ıe boldym. Chehııa astanasy Pragada ornalasqan dúnıejúzindegi eń úzdik konserttik zaldardyń biri Rýdolfınýmde óner kórsettim. Aýyr dertke shaldyqqan balalarǵa qoldaý kórsetip, olardyń zamanaýı tehnologııalyq quraldarmen jabdyqtalǵan úzdik emhanalarda em qabyldaýyna múmkindik týdyrý maqsatynda ótkizilgen konsert edi bul.
Rýdolfıným konserttik zalynyń akýstıkasy keremet, ol jerde álemniń eń aldyńǵy qatarly óner qaıratkerleri án salǵan. Ol jerde «Praga kóktemi» sekildi dástúrli sharalar joǵary deńgeıde ótkizilip turady. Meniń de baǵyma sol Rýdolfınýmda óner kórsetý jáne onyń ústine sol konsertten túsken qarjyny syrqat balalarǵa dep qaıyrymdylyq qoryna salý múmkindigi buıyrdy.
– Eýropa tórinde qandaı týyndylar shyrqaldy jáne sizge deıin bul marapatty kimder ıelengen edi?
– Sol konsertte men álem, Eýropa jáne qazaq kompozıtorlarynyń klassıkalyq týyndylaryn oryndadym. Konsert sońynda Eýropalyq óner odaǵynyń ókilderi sahnaǵa shyǵyp, maǵan «Altyn Eýropany» tabystaǵanda ári qýandym, ári tańǵaldym. О́ıtkeni, men konserttiń sońyna deıin ondaı úlken syıǵa ıe bolatynymdy bilmegen edim.
Bul marapatqa eń birinshi ıe bolǵan Plasıdo Domıngo edi. Odan keıin mundaı úlken mártebege ıe bolý men úshin úlken qurmet boldy. Bul meniń jeke ónerimdegi ǵana emes, qazaq halqynyń bekzat ónerdegi bıigi dep esepteımin.
Negizi bul marapatty Eýropalyq óner odaǵy «oryndaýshylyq sheberligine», «ónerdegi qaıyrymdylyǵy úshin» deıtin túrli eńbekterdi baǵalap beredi. Menen keıin «Altyn Eýropaǵa» chehtyń Fılıp Bandjak deıtin barıtony ıe boldy. Bul nagradaǵa atalmysh óner odaǵynyń ózi meniń ónerdegi 30 jyldyq eńbegimdi baǵalap, osy kúnge deıin álemniń qaı jerinde, qandaı sahnalarynda konsert qoıǵanymdy eskerip usynyp otyrǵanyn bilgenimde eýropalyqtardyń shynaıy ónerge degen qurmeti men jaýapkershiligine rıza boldym.
– Aldaǵy 2014 jyldaǵy konserttik josparlaryńyz?
– Keler jyly Qazaqstannyń barlyq óńirin aralap, ózimniń ónerdegi 30 jyldyq eńbegime esep berý konsertimdi ótkizýdi oılastyryp otyrmyn. Qazaq, ıtalıan, orys, fransýz klassıkasynan, kóptegen operalardaǵy iri týyndylardy, kameralyq konsertimdi halqyma joldasam deımin. О́z tarapymnan «Egemen Qazaqstan» gazetiniń qalyń oqyrman qaýymyna aldaǵy kele jatqan Jylqy jyly tabysty, berekeli, molshylyq zamannyń basy bolsyn degim keledi. Dárejesi men deńgeıi bıik klassıkalyq ónerdi asqaqtatqan Qazaq eli qashanda tynysh, baqýatty jáne abyroıy asqaq bola bersin. Elimizdiń namysyn álem aldynda bıiktetip, jaqsy atymyz jahanǵa jaıylsyn degen izgi tilegimdi joldaımyn!
Áńgimelesken
Qanat ESKENDIR,
«Egemen Qazaqstan».